ឮថា Samsung នឹងបន្តចេញ Smartphone បីម៉ូដែលទៀតចុងឆ្នាំនេះ
- 2014-10-08 17:23:20
- ចំនួនមតិ 0 | ចំនួនចែករំលែក 0
ឮថា Samsung នឹងបន្តចេញ Smartphone បីម៉ូដែលទៀតចុងឆ្នាំនេះ
ចន្លោះមិនឃើញ
ក្រោយពីSamsung បានប្រកាសGalaxy Note 4 និងGalaxy Note Edge កាលពីខែកញ្ញាកន្លងទៅ ឥឡូវឮថាក្រុមហ៊ុនកូរ៉េមួយនេះនឹងចេញSmartphone បីម៉ូដែលទៀតនៅចុងឆ្នាំ២០១៤នេះ។
សារព័ត៌មានជាច្រើន (GSM Arena, Sammobile...) បានចុះផ្សាយជាហូរហែពីSmartphone បីម៉ូដែលGalaxy A5, Galaxy A3 និងGalaxy A7 ដែលSamsung នឹងដាក់លក់លើទីផ្សារក្នុងពេលដ៏ឆាប់ខាងមុខហើយ ក្នុងនោះដែរក៏មានព័ត៌មានបែកធ្លាយពីSpecs របស់Smarphone ទាំងបីផងដែរ។
បើតាមព័ត៌មានដែលចុះផ្សាយកន្លងមកថា Galaxy A5នឹងមានអេក្រង់ទំហំ៥អ៊ីញ(ប្រើបច្ចេកវិទ្យាHD Super AMOLED) នឹងមានកាមេរ៉ាក្រោយទំហំ 12MP និងមុខ 5MP, Chip ប្រភេទ Snapdragon 410, CPU ប្រភេទ Quad-core Cortex-A53 មានល្បឿន1.2GHz, Memory 16GB, RAM 1GB និងមានថាមពលថ្ម 2,330 mAh រីឯតម្លៃវិញប្រហែល ៤០០~៤៥០ដុល្លារ។
រូបភាពលេចធ្លាយរបស់ Galaxy A5
ប្រភពក៏បានបញ្ជាក់ទៀតថាចំពោះ Specs របស់ Galaxy A3 (អេក្រង់៤,៥អ៊ីញ) ដូចគ្នាទៅនឹងGalaxy A5 ដែរតែតម្លៃរបស់A3ប្រហែលពី ៣៥០~៤០០ដុល្លារប៉ុណ្ណោះ។ ដោយឡែកGalaxy A7 នឹងជាSmartphone មានអេក្រង់ធំជាងគេក្នុងចំណោមSmartphone ត្រកូលA របស់Samsungដែលអេក្រង់របស់វាមានទំហំ ៥,៥អ៊ីញនិងResolution 1920 x 1080 pixels ចំណែកឯSpecs ផ្សេងទៀតរបស់Smartphone អេក្រង់៥,៥អ៊ីញនេះប្រភពពុំបានបញ្ជាក់នោះទេ។
ចាំមើលថា តើការបញ្ចេញSmartphone យ៉ាងច្រើន (Galaxy Note4, Note Edge, Smartphone ត្រកូលA)ជាហូរហែបែបនេះអាចធ្វើឲ្យ Samsung បង្កើនប្រាក់ចំណេញរបស់ខ្លួនបានដែរឬទេ ខណៈដែលប្រាក់ចំណេញនៅត្រីមាសទី៣ឆ្នាំ២០១៤បានធ្លាក់ចុះរហូត៦០ភាគរយ?
ចុចអាន៖ Samsung ចេញកាលបរិច្ឆេទលក់ Note 4 នៅអង់គ្លេសថ្ងៃ ១០ តុលា
ប្រែសម្រួល៖ ប៉ែត ផាន់និត ប្រភព៖ gsmarena