គេងម៉ោងប៉ុន្មាន ភ្ញាក់ម៉ោងប៉ុន្មាន ល្អសម្រាប់សុខភាព?

2015-04-02 22:03:09
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកស្រាវជ្រាវជាច្រើន ធ្លាប់បានអះអាងត្រឹមរយៈពេលនៃការគេងពី ៧ ទៅ ៨ម៉ោងក្នុងមួយយប់ គឺល្អចំពោះសុខភាព ប៉ុន្តែមិនធ្លាប់មានការបញ្ជាក់ថាគួរចូលគេងនៅម៉ោងប៉ុណ្ណេះ ឬម៉ោងប៉ុណ្ណោះល្អទេ។ តើមានពេលវេលាជាក់លាក់ណា ដែលអ្នកវិទ្យាសាស្ត្របានចាត់ទុកថាជា ពេលសមរម្យសម្រាប់គេងដែរឬទេ? ចម្លើយគឺគ្មានទេ ពោលគឺវាអាស្រ័យទៅលើទម្លាប់របស់ប្រជាជនតាមប្រទេសនីមួយៗ ប៉ុន្តែក៏មានជម្រើសដែលល្អបំផុតមួយនោះដែរ។

គន្លឹះក្នុងការគេង

ប្រសិនបើអ្នកចូលគេងយប់ជ្រៅរហូតដល់ម៉ោង ២ ឬ ៣ទៀបភ្លឺ គួរតែភ្ញាក់នៅម៉ោង៨ ទៅ៩ព្រឹក។ ប៉ុន្តែអ្នកនឹងគ្មានអារម្មណ៍ស្រស់ស្រាយ និងសកម្មដូចអ្នកដទៃដែលគេងម៉ោង១០យប់ ហើយក្រោកម៉ោង៥ព្រឹកឡើយ។

ក្នុងអំឡុងគេងពេលយប់នោះ មនុស្សគ្រប់រូប តែងតែប្រែទៅប្រែមក (យប់ជ្រៅ) មិនត្រឹមតែប៉ុណ្ណោះ ថែមទាំងសុបិនទៀតផង។ នេះជាដំណាក់កាលបង្កើតបានជាវដ្ដនៃការគេងពេញលេញ។ ជាធម្មតាមនុស្សគ្រប់រូប ពេលគេងគឺតែងសុបិនជានិច្ច ប៉ុន្តែពេលក្រោកមកមិនចងចាំរឿងសុបិននោះ បានន័យថាអ្នកគេងបានគ្រប់គ្រាន់ហើយ។ តែបើភ្ញាក់ពីគេងមកចងចាំគ្រប់រឿងដែលបានកើតឡើងក្នុងសុបិននោះ មានន័យថាអ្នកគេងមិនបានស្កប់ឡើយ៕

ចុចអាន៖ គេងច្រើនពេក បង្កហានីភ័យសុខភាព៦យ៉ាង

ប្រែសម្រួល៖ទ្រី រ៉ាវី

ប្រភព៖lifehacker yahoo byrdie