គូស្នេហ៍រ៉ូមែនទិកនាំគ្នាងូតទឹកត្រសងកណ្ដាលហ្វូងមនុស្ស

2015-04-04 00:16:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ចិនជាប្រទេសមានប្រជាជនច្រើនជាងគេក្នុងពិភពលោក ដូចនេះហើយទើបរឿងរ៉ាវប្លែកៗនៅលើដែនដី ដែលមានប្រជាជនជាង១ពាន់លាននាក់នេះ កើតឡើងមិនចេះចប់។ ជាក់ស្ដែង គូស្នេហ៍វ័យក្មេងមួយគូ បានបណ្ដើរគ្នាចេញមកងូតទឹកលម្ហែកាយនៅសួនបាញ់ទឹកសាធារណៈ ដោយមិនខ្វល់ពីភ្នែកអ្នកដទៃឡើយ។

បើតាមសារព័ត៌មាន Shanghaiist បានឲ្យដឹងថា គូស្នេហ៍រ៉ូមែនទិកមិនខ្វល់ពីអ្នកជុំវិញខ្លួននេះ បានចេញមកជម្រះកាយ នៅសួនបាញ់ទឹកក្រុង Wuhan ខេត្ត Hubei។ ត្រឹមងូតទឹក មិនទាន់ធ្វើឲ្យគេភ្ញាក់ផ្អើលអស់ចិត្ត គូសង្សារនេះស្រាប់តែទាញសាប៊ូកក់សក់ និងសាប៊ូដុសខ្លួន មកលាបបន្ថែមពេញរាងកាយ។

មនុស្សជាច្រើនដែលឃើញសកម្មភាពនេះ ហាក់គ្មានពាក្យថ្លាថ្លែង បានត្រឹមសម្ដែងការហួសចិត្តយ៉ាងខ្លាំង។ បន្ទាប់ពីងូតទឹកលម្ហែអស់ប្រហែល ១០នាទី ពួកគេទាំងពីរនាក់ត្រូវសន្តិសុខនាំខ្លួនចេញទៅបាត់។ មិនមានការបញ្ជាក់ថា ហេតុអ្វីគូស្នេហ៍ខាងលើធ្វើរឿងប្លែកបែបនេះឡើយ៕