ឈ្មោះមុនចូលសិល្បៈរបស់តារាល្បី៧ដួងដែលអ្នកមិនធ្លាប់ដឹង
- 2015-04-04 15:00:36
- ចំនួនមតិ 0 | ចំនួនចែករំលែក 0
ឈ្មោះមុនចូលសិល្បៈរបស់តារាល្បី៧ដួងដែលអ្នកមិនធ្លាប់ដឹង
ចន្លោះមិនឃើញ
មានតារាជាច្រើនបានប្ដូរឈ្មោះរបស់ខ្លួនក្នុងពេលចូលសិល្បៈដើម្បីទាក់ទាញចំណាប់អារម្មណ៍ និងងាយស្រួលហៅ។ តារា៧ដួងខាងក្រោមនេះ អ្នកច្បាស់បានស្គាល់ដោយសារតែភាពល្បីល្បាញរបស់ពួកគេ ប៉ុន្តែធានាថាអ្នកនឹងមិនស្គាល់ឈ្មោះដើមពេលមិនទាន់ចូលសិល្បៈរបស់ពួកគេទេ។ តោះ មកមើលតារាណាខ្លះដែលមានឈ្មោះដើមនិងឈ្មោះចូលសិល្បៈខុសគ្នានោះ៖
Nicki Minaj៖
ការពិតឈ្មោះនេះ មិនមែនជាឈ្មោះដើមរបស់នាងទេ។ ឈ្មោះដើមរបស់តារាស្រីរូបស្រស់រូបនេះរាងវែងបន្តិចគឺ Onika Tanya Maraj។ ការពិតនាងមានឈ្មោះហៅកាត់ថា Nicki (ពាក្យកាត់របស់ Onika) ស្រាប់ទៅហើយ ហើយអ្នកចាត់ការរបស់ផលិតកម្មបានឱ្យនាងដូរឈ្មោះខាងចុងដាក់ថា Minaj វិញ។
Miley Cyrus៖
ឈ្មោះដើមរបស់ Miley គឺDestiny Hope Cyrus ហើយកាលនៅពីតូចនាងមានឈ្មោះក្រៅហៅថា Smiley ដែលក្រោយៗមក គេហៅកាត់ថា Miley ទៅ។ នៅឆ្នាំ២០០៨ នាងបានប្ដូរឈ្មោះជាផ្លូវការថា Miley Ray Cyrus វិញ។
Katy Perry៖
ឈ្មោះដើមរបស់នាងគឺ Katheryn Elizabeth Hudson។ នាងបានចេញអាល់ប៊ុមចម្រៀងបែបសាសនាគ្រិស្តរបស់នាងក្រោមឈ្មោះថា Katy Hudson នៅពេលនាងមានអាយុ១៦ឆ្នាំ។ ប៉ុន្តែក្នុងនោះមានតារាស្រីម្នាក់ឈ្មោះថា Kate Hudson គឺស្រដៀងគ្នានឹងឈ្មោះរបស់នាងដែរ។ ហេតុនេះ ទើបKaty សម្រេចចិត្តប្ដូរឈ្មោះខាងចុងរបស់នាងមកជា Perry វិញដើម្បីកុំឱ្យច្រឡំគ្នាទៀត។
Pitbull៖
ឈ្មោះដើមគឺ Armando Christian Pérez ប៉ុន្តែក្រោយមកតារារេបមកពីទីក្រុងម៉ាយអាមីរូបនេះបានប្ដូរឈ្មោះមកជា Pitbull វិញសម្រាប់នាមក្នុងសិល្បៈរបស់លោក។
Rihanna៖
តារាស្រីរូបនេះមានដើមថា Robyn Rihanna Fenty។ នាងបានសម្រេចចិត្តជ្រើសរើសយកឈ្មោះកណ្ដាលរបស់នាងវិញក្នុងវិស័យសិល្បៈដើម្បីងាយស្រួលហៅ។
Bruno Mars៖
តិចច្រឡំថានេះជាឈ្មោះដើមរបស់តារារូបនេះចុះ? ការពិត ឈ្មោះដើមរបស់គេគឺ Peter Gene Hernandezសោះ។ Bruno គឺជាឈ្មោះហៅក្រៅកាលពីលោកនៅតូច។ Lady Gaga៖
ឈ្មោះដើមដ៏វែងរបស់ Lady Gaga គឺ Stefani Joanne Angelina Germanotta។ ការដែលនាងបោះបង់ឈ្មោះដើមថា Stefani ព្រោះតែនាងមិនចង់ធ្វើជាខ្លួននាងដោយប្រើឈ្មោះដើមក្នុងទីសាធារណៈ។ ហេតុនេះ ទើបនាងដូរឈ្មោះតែម្ដងទៅ។
ប្រែសម្រួល៖ សុគន្ធី ប្រភព៖ cambio
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
