ISIS កម្ទេចបេតិកភណ្ឌអាយុកាល២ពាន់ឆ្នាំគ្មានប្រណីដៃ

2015-04-06 16:51:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រមាណជាងមួយខែមុន ក្រុមរដ្ឋឥស្លាមជ្រុលនិយម (ISIS) បានបញ្ចេញវីដេអូបង្ហាញពីសកម្មភាពបំផ្លាញរូបចម្លាក់បុរាណមិនអាចកាត់ថ្លៃ នៅសារមន្ទីរ Nineveh ភាគខាងជើងក្រុង Mosul ប្រទេសអ៊ីរ៉ាក់។ ពេលនេះ តំបន់បេតិកភណ្ឌប្រវត្តិសាស្ត្ររបស់អង្គការ UNESCO នៅក្នុងប្រទេសអាស៊ីភាគខាងលិចមួយនេះ ក៏រងភាពខ្ទេចខ្ទាំដោយសារ ISIS ដូចគ្នា។

ទីសក្ការបូជា ព្រមទាំងរូបចម្លាក់ជាច្រើននៅក្នុងទីក្រុង Hatra ដែលមានអាយុកាល ២០០០ឆ្នាំ ត្រូវក្រុមរដ្ឋឥស្លាមជ្រុលនិយមប្រើញញួរ និងកាំភ្លើងម៉ាក AK-47 បំផ្លិចបំផ្លាញគ្មានសល់។ អំឡុងពេលលើកដៃកម្ទេចរតនសម្បត្តិទាំងនោះ ក្រុមឧទ្ទាមបានថតសកម្មភាពទុក អមដោយបទចម្រៀងដ៏ចម្លែកគួរឲ្យព្រឺក្បាល។

ទីក្រុងបុរាណនេះ ត្រូវប្រកាសជាតំបន់បេតិកភណ្ឌប្រវត្តិសាស្ត្ររបស់អង្គការ UNESCO តាំងពីឆ្នាំ១៩៨៧។ ក្រៅពីកម្ទេចចោល មន្ត្រីរបស់ប្រទេសអ៊ីរ៉ាក់ ជឿជាក់ថាក្រុម ISIS បានលក់រូបចម្លាក់មួយចំនួនតាមទីផ្សារងងឹត ដើម្បីរកប្រាក់ផ្គត់ផ្គង់យុទ្ធនាការធ្វើសង្គ្រាមរបស់ខ្លួនផងដែរ៕

ទស្សនាសកម្មភាពបំផ្លាញ អមជាមួយបទសម្រៀងគួរឲ្យខ្លាច៖