សាលា IT ល្បីៗមួយចំនួន មានលុយចង់រៀនក៏មិនងាយ

2015-04-06 18:02:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ការមានលុយបង់ថ្លៃសិក្សាជារឿងមួយ ប៉ុន្តែគ្រឹះស្ថានសិក្សាមួយចំនួន បានកំណត់លក្ខខណ្ឌយ៉ាងតឹងរ៉ឹងសម្រាប់សិស្សដែលចង់ចុះឈ្មោះសិក្សា បើទោះបីសិស្សនិស្សិតទាំងនោះមានលទ្ធភាពបង់ថ្លៃសិក្សាបានក៏ដោយ។

ខាងក្រោមជាគ្រឹះស្ថានសិក្សាមួយចំនួនដែលមានកេរ្តិ៍ឈ្មោះល្បីល្បាញលើការបណ្តុះបណ្តាលជំនាញព័ត៌មានវិទ្យា ប៉ុន្តែសាលាទាំងនោះមានលក្ខខណ្ឌយ៉ាងតឹងរ៉ឹង មុនពេលសិស្សនិស្សិតអាចមានឱកាសចូលសិក្សាបាន។

សាលាអង្គការ Passerelles Numériques Cambodia

បង្កើតឡើងក្នុងឆ្នាំ ២០០៥ Passerelles Numériques Cambodia ជាសាលាអង្គការដែលជំនាញលើការបណ្ដុះបណ្ដាលជំនាញព័ត៌មានវិទ្យាដល់សិស្សនិស្សិតក្រីក្រកម្ពុជា។

សាលានេះជាគោលការណ៍ផ្ដោតតែទៅលើនិស្សិតក្រីក្រតែប៉ុណ្ណោះ ដែលមានសមត្ថភាពតែខ្វះលទ្ធភាពក្នុងការបន្តការសិក្សានៅថ្នាក់ឧត្ដមសិក្សា។ សិស្សនិស្សិតដែលអាចសិក្សានៅសាលានេះបាន ត្រូវឆ្លងកាត់ការធ្វើតេស្តជាច្រើនដំណាក់កាលដូចជា ជាសិស្សដែលក្រីក្រពិតប្រាកដ ការធ្វើតេស្តទៅលើការសរសេរ ការធ្វើតេស្តផ្ទាល់មាត់និងការវាយតម្លៃផ្សេងទៀត។ សាលានេះតែងតែជ្រើសរើសសិស្សក្រីក្រជារៀងរាល់ឆ្នាំដែលទើបបញ្ចប់ថ្នាក់ទី ១២ ដើម្បីមានឱកាសអាចបន្តការសិក្សាជំនាញព័ត៌មានវិទ្យា ឈានទៅផ្លាស់ប្តូរជីវិតចាកឆ្ងាយផុតពីភាពក្រីក្រ។

វិទ្យាស្ថានបច្ចេកវិទ្យាកម្ពុជា (ITC)

ជាគ្រឹះស្ថានសិក្សារបស់រដ្ឋ ដែលផ្ដោតលើការបណ្ដុះបណ្ដាលជំនាញវិស្វកម្មនិងបច្ចេកវិទ្យាតាំងពីសម័យសង្គម។ ក្នុងចំណោមមុខជំនាញវិស្វកម្មនិងបច្ចេកវិទ្យា សាលានេះក៏មានភាពល្បីល្បាញ និងទទួលស្គាល់ពីសិស្សនិស្សិតសម្រាប់ការបណ្តុះបណ្តាលជំនាញព័ត៌មានវិទ្យា។

ការសិក្សាបាន សិស្សនិស្សិតក៏តម្រូវឲ្យឆ្លងកាត់ការធ្វើតេស្តប្រលងយ៉ាងស្វិតស្វាញ ហើយចំនួនសិស្សដែលអាចសិក្សាក៏មានកំណត់។

សាកលវិទ្យាល័យភូមិន្ទភ្នំពេញ (RUPP)

សាកលវិទ្យាល័យភូមិន្ទភ្នំពេញ មានបណ្តុះបណ្តាលជំនាញចម្រុះទាំងផ្នែកសង្គម វិទ្យាសាស្រ្តនិងបច្ចេកវិទ្យា។ RUPP ក៏មានភាពល្បីល្បាញលើការបណ្តុះបណ្តាលជំនាញព័ត៌មានវិទ្យា ដែលមួយឆ្នាំៗសាលាបានទទួលសិស្សចុះឈ្មោះជាច្រើន។ យ៉ាងណាសាលាក៏មានលក្ខខណ្ឌមួយចំនួន ដើម្បីសិស្សនិស្សិតអាចចុះឈ្មោះសិក្សាបានត្រូវជាប់មុខវិជ្ជាគណិត និងរូប និងក៏មានការប្រលងប្រជែងមួយចំនួនផងដែរ។

អត្ថបទ៖ ប៊ុណ្ណារ៉ា

ពាក្យទាក់ទង

ព័ត៌មានបច្ចេកវិទ្យាក្នុងស្រុក

អត្ថបទពេញនិយម

មកដឹងពីប្រាក់បៀវត្សប្រចាំខែ របស់ ឯកអគ្គរាជទូត តំណាងកម្ពុជា នៅតាមស្ថានទូតនីមួយៗ នៅបរទេស

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

ឆាប់ៗនេះ ទៅលេងខ្នងផ្សារ កាន់តែងាយស្រួល! ផ្លូវប្រវែង ជាង ៧ គីឡូម៉ែត្រ កំពុងសាងសង់

ទម្ងន់ផ្ទុក ២១០តោន ត្រូវបានធ្វើតេស្ដវិជ្ជមានលើស្ពានខ្ពស់ជាងគេនៅស្រុកខ្មែរ មុនបើកដំណើរការជាអចិន្ដ្រៃយ៍ ស្អែក

ព្រះពិធីចែចូវ ព្រះអង្គម្ចាស់ក្សត្រិយ៍ នរោត្តម ពង្សសូរិយា ជាពិធីសិរីមង្គលសែរាជវង្សានុវង្សខ្មែរដ៏ធំ

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

អត្ថបទថ្មី

ក្រសួងសុខាភិបាល ជំរុញឱ្យប្រជាពលរដ្ឋចាក់វ៉ាក់សាំងកូវីដ-១៩ ខណៈមានការព្រួយបារម្ភពីរលកឆ្លងថ្មី

ថៃ បើកឱកាសឱ្យ កសិករធ្វើស្រែ ខ្នាតតូច នាំចេញអង្ករដោយផ្ទាល់ ទៅកាន់ទីផ្សារពិភពលោក!

រីករាយទស្សនាផ្ទាល់ការសម្តែងសៀករបស់ក្រុមហ្វារពន្លឺសិល្បៈក្នុងឱកាសគម្រប់ខួប ៣០ ឆ្នាំរបស់ណាហ្គាវើលដ៍

ក្នុងឱកាសខួប ៣០ ឆ្នាំ ណាហ្គាវើលដ៍បន្តផ្តល់ជូន “មរតកសំនៀង” ជាការប្រគំតន្ត្រី និងចម្រៀងដែលជាព្រះរាជនិពន្ធរបស់ព្រះករុណាព្រះបាទសម្តេចព្រះនរោត្តមសីហនុ ព្រះបរមរតនកោដ្ឋ

កម្ពស់ ៩០ ម៉ែត្រ! សំកាំងខ្លួនលើអាកាស ស្ពានខ្ពស់ជាងគេនៅកម្ពុជា បើកឱ្យឆ្លងកាត់ជាអចិន្ត្រៃយ៍ហើយ