ផលប៉ះពាល់នៃការសម្អាតត្រចៀកមិនត្រឹមត្រូវ
- 2015-04-08 16:55:23
- ចំនួនមតិ 0 | ចំនួនចែករំលែក 0
ផលប៉ះពាល់នៃការសម្អាតត្រចៀកមិនត្រឹមត្រូវ
ចន្លោះមិនឃើញ
មនុស្សជាច្រើនតែងបានសម្អាតត្រចៀកពួកគេជាទៀងទាត់ដើម្បីឲ្យវាស្អាត និងមានសុខភាពល្អ។ ប៉ុន្តែវិធីសម្អាតមួយចំនួនដែលមិនត្រឹមត្រូវបានធ្វើឲ្យក្រដាសត្រចៀករុលចូលទៅក្នុង ហើយបណ្ដាលឲ្យការស្ដាប់មិនល្អវិញ។
American Academy of Otolaryngology (AAO-HNS) បានព្រមានប្រឆាំងនឹងការប្រើសំឡីទៅត្បាល់ត្រចៀក។ នៅលើគេហទំព័រជាផ្លូវការរបស់ពួកគេបានផ្សព្វផ្សាយថាការសម្អាតត្រចៀកមិនត្រឹមត្រូវ អាចបង្កឲ្យមានហានិភ័យរហូតដល់ស្ដាប់លែងឮ។
បើតាមក្បួនវេជ្ជសាស្ត្រ អាចម៍ត្រចៀកនោះមានលក្ខណៈពិសេសដែលល្អចំពោះត្រចៀក និងដើរតួនាទីជាភ្នាក់ងារសម្អាតដោយខ្លួនឯង។ វាអាចការពារជាតិខ្លាញ់ ហើយប្រឆាំងនឹងបាក់តេរីបានថែមទៀតផង។ វាអាចសម្អាតរន្ធត្រចៀក បន្ទាប់មកវាសម្ងួតជាតិទឹកដែលមានក្នុងត្រចៀក ហើយចុងក្រោយវាអាចធ្លាក់ចេញមកខ្លួនឯង។ នេះគឺជាដំណើរការសម្អាតដោយខ្លួនឯង។
តើមានអ្វីកើតឡើងពេលយកសំឡីទៅសម្អាតត្រចៀករបស់អ្នក?
នៅពេលដែលអ្នកប្រើដុំសំឡីរុកឲ្យជ្រៅដើម្បីទៅក្នុងត្រចៀកនោះពេលខ្លះវាចូលទៅដល់កន្លែងដែលមិនគួរប៉ះពាល់ដូចជា ក្រដាសត្រចៀកជាដើមដែលបណ្ដាលឲ្យរបួស។
មិនត្រឹមតែប៉ុណ្ណោះ ផ្សិតបាក់តេរី និងវីរុសដែលនៅក្រៅត្រចៀកអាចរុញវាចូលទៅ និងបង្កឲ្យមានការឆ្លងមេរោគដែលនាំឲ្យមានការឈឺចាប់ខ្លាំង។ មួយវិញទៀតប្រសិនបើជាប់សំឡីក្នុងរន្ធត្រចៀក វាអាចបណ្ដាលឲ្យថ្លង់តែម្ដងក៏ថាបាន។
ដូចនេះតើគួរសម្អាតវាយ៉ាងម៉េចបានត្រឹមត្រូវ?
ត្រចៀករបស់អ្នកគួរតែមិនបាច់សម្អាតដោយខ្លួនឯងទេ គឺត្រូវឲ្យគ្រូពេទ្យដែលមានជំនាញវិជ្ជាជីវៈត្រឹមត្រូវ។ លោកវេជ្ជបណ្ឌិត Douglas Backous ប្រធាន AAO-HNSF និងជានាយកផ្នែកវះកាត់នៅវិទ្យាស្ថានប្រទេសស៊ុយអែតបានពន្យល់ថានៅពេលដែលអ្នកឧស្សាហ៍ត្បាល់ត្រចៀកញឹកញាប់អាចបណ្ដាលឲ្យស្បែកនៅទីនោះរលាក ហើយខ្លះទៀតអាចចេញជាកមរមាស់ ឈឺត្រចៀក ថ្លង់ ហ៊ឹងត្រចៀក មានក្លិនមិនល្អ និងមានហូរទឹករងៃទៀតផង។
តែប្រសិនបើអ្នកចង់សម្អាតពិតមែន សុំកុំបញ្ចូលអ្វីទៅក្នុងត្រចៀកអី គឺសម្អាតតែខាងក្រៅបានហើយ៕
ប្រែសម្រួល៖ទ្រី រ៉ាវី ប្រភព៖healthyandnaturalworld