ឪពុក-ម្ដាយកើតឆ្នាំមមែគួរយកកូនប្រុសស្រីឆ្នាំណាល្អ?
- 2015-04-10 17:12:57
- ចំនួនមតិ 0 | ចំនួនចែករំលែក 0
ឪពុក-ម្ដាយកើតឆ្នាំមមែគួរយកកូនប្រុសស្រីឆ្នាំណាល្អ?
ចន្លោះមិនឃើញ
ក្បួនជ្រើសរើសបុត្រធីតា សម្រាប់ឪពុក-ម្ដាយកើតឆ្នាំមមែ ត្រូវបានសៀវភៅមហាសង្ក្រាន្តឆ្នាំថ្មី ដែលរៀបរៀងដោយលោក អ៊ឹម បុរិន្ទ អត្ថាធិប្បាយមានទាំងល្អ និងមិនសូវល្អ។ ដូច្នេះក្នុងចំណោមឆ្នាំទាំង១២ ឆ្នាំ ឆ្នាំណាល្អបំផុត?
ជូត៖ ទោះបីជាទទួលបានលទ្ធផលល្អក្តី ប៉ុន្តែបញ្ហាឪពុកជាឆ្នាំមមែគឺមានច្រើនជាងម្ដាយជាឆ្នាំមមែ។
ឆ្លូវ៖ មានភាពមិនចង់ស្គាល់ និងជិតស្និតនឹងគ្នា ហេតុនេះការគម្លាតគឺពិតជាពិបាកនឹងទម្លុះទម្លាយណាស់។
ខាល៖បញ្ជូនឆ្នាំពពែចូលក្នុងមាត់ខ្លា ហេតុនេះកូនចៅប្រុសស្រី ប្រហែលជាអាចធ្វើទុក្ខបុកម្នេញដល់ឪពុកម្ដាយ។
ថោះ៖ អាចរួមរស់ជាមួយគ្នាបាន ប៉ុន្តែឆ្នាំពពែមិនអាចនឹងផ្ដល់នូវការបីបាច់ថែរក្សាដ៏ល្អ សម្រាប់ឆ្នាំទន្សាយបានទេ។
រោង៖ ការស្រុះស្រួលគ្នាល្អគ្រាន់បើ ជាពិសេសម្ដាយពពែ ជាគូគាប់ដ៏ល្អសម្រាប់កូនចៅជាឆ្នាំនាគ។
ម្សាញ់៖ ឱ្យតែឆ្នាំពស់មានកតញ្ញុតាធម៌ គឺឆ្នាំពពែហ៊ានលះបង់អ្វីៗទាំងអស់។
មមី៖ ឆ្នាំសេះហាក់ដូចគិតតែពីប្រយោជន៍ផ្ទាល់ខ្លួន ហើយធ្វើយ៉ាងណាកុំឱ្យតែឆ្នាំពពែមានការពឹងពាក់យូរអង្វែងពេកគឺអាចរួមរស់ជាមួយគ្នាទៅទៀតបាន។
មមែ៖ទោះបីមានមនោសញ្ចេតនាល្អនឹងគ្នាក្ដី ក៏មិនអាចជួយទំនុកបម្រុងគ្នាបានឡើយ។ ប៉ុន្តែម្ដាយជាពពែ និងកូនស្រីជាពពែអាចមានការចុះសម្រុងនឹងគ្នា។
វក៖ ឆ្នាំស្វាក្ដាប់យ៉ាងណែននូវចិត្តគំនិតរបស់ឆ្នាំពពែ ហើយជូនពេលខ្លះមានការចំអកគ្នាទៀតផង។
រកា៖ អត្តចរិតម្នាក់ៗមិនចុះសម្រុងនឹងគ្នា រឿងទុក្ខកង្វល់ក៏មានច្រើនហូរហែ។
ច៖ ឆ្នាំឆ្កែឆាប់បែកចេញពីគ្រួសារ ប៉ុន្តែកាត់ទឹកមិនដាច់កាត់សាច់មិនបាន គឺថ្ងៃក្រោយមកអាចជួបជុំគ្នាបាន។
កុរ៖ ឆ្នាំជ្រូកមានការគិតគូរដល់ផ្ទះសម្បែង ហេតុនេះហើយទើបឆាប់ទទួលបន្ទុករាប់រងកិច្ចការក្នុងផ្ទះ។
អានអត្ថបទ៖ ជោគជតារាសីអ្នកកើតឆ្នាំមមែ និងទំនាយមហាសង្ក្រាន្តឆ្នាំថ្មី
អានអត្ថបទ៖ អុជធូបប៉ុន្មានសរសៃដើម្បីឲ្យត្រូវក្បួនពេលទទួលទេវតាឆ្នាំថ្មី?
អត្ថបទ៖មៃ សុខលីម