ស្មៅសិប្បនិមិត្តកីឡដ្ឋានជាតិ រួចរាល់មុនជម្រុះ World Cup

2015-04-20 18:54:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីលានបាល់ទាត់ស្មៅសិប្បនិមិត្តធំជាងគេប្រចាំក្នុងប្រទេសកម្ពុជាគឺ ពហុកីឡដ្ឋានជាតិ នឹងរួចរាល់ជាស្ថាពរនៅដំណាច់ខែមេសា ឆ្នាំ ២០១៥ ឆ្នាំ ពោលអាចរៀបចំធ្វើជាម្ចាស់ផ្ទះក្នុងវគ្គជម្រុះ FIFA World Cup 2018 ជុំទី២ ប្រចាំទ្វីបអាស៊ី បាន។

ទិដ្ឋភាពក្រាលស្មៅសប្បនិមិត្តគិតត្រឹមព្រឹកថ្ងៃទី ២០ ខែ មេសា ឆ្នាំ ២០១៥ នេះ

លោក អោក សំណាង តំណាងក្រុមហ៊ុន QT Sport ដែលទទួលសិទ្ធិបន្តពីសហព័ន្ធកីឡាអន្តរជាតិ (FIFA) ក្នុងការសាងសង់ទីលានស្មៅសិប្បនិមិត្តនេះបានលើកឡើងថា យ៉ាងយូរ ១០ ថ្ងៃទៀត នឹងបញ្ចប់ការសាងសង់។ ដូច្នេះទីលានអាចបើកឱ្យមានការហ្វឹកហាត់ ឬ ប្រកួតបានហើយ។

ការជួសជុលតែទីលានប្រកួតនេះប្រើទឹកប្រាក់ Goal Project របស់ FIFA ក្នុងចំនួន ៥០ ម៉ឺនដុល្លារសហរដ្ឋអាមេរិក ខណៈការសាងសង់ចាប់ផ្ដើមពីថ្ងៃទី ១៥ ខែ វិច្ឆិកា ឆ្នាំ ២០១៤ មកម្ល៉េះ។ តាមលោក អោក សំណាង ស្មៅសប្បនិមិត្តនេះខុសពីទីលានឯកជនតូចៗនានា ដែលប្រើតែសម្ភារៈធូរថ្លៃ និងមិនត្រូវស្តង់ដារ។

បើតាមការព្យាករណ៍របស់អ្នកជំនាញ កីឡដ្ឋានជាតិនេះនឹងអាចប្រើប្រាស់បានរយៈពេល ៥ ឆ្នាំក្រោយពេលសាងសង់រួច។ «នេះជាស្មៅសិប្បនិមិត្ត កាលណាត្រូវភ្លៀង ឬ ក្ដៅ ទោះបីយើងប្រើ ឬ មិនប្រើវា តែវាដល់អាយុគឺវាខូចហើយ»។ ប្រភពខាងលើបញ្ជាក់។

វគ្គជម្រុះជុំទី២ទ្វីបអាស៊ី 2018 FIFA World Cup Russia ពូល E
កាលបរិច្ឆេទ	គូប្រកួត			ទឹកដី
១១ មិថុនា ២០១៥	កម្ពុជា	Vs	សិង្ហបុរី	កម្ពុជា
១៦ មិថុនា២០១៥	កម្ពុជា	Vs	អាហ្វហ្គានីស្ថាន	កម្ពុជា
៣ កញ្ញា ២០១៥	ជប៉ុន	Vs	កម្ពុជា	ជប៉ុន
៨ កញ្ញា ២០១៥	កម្ពុជា	Vs	ស៊ីរី	កម្ពុជា
១៣ តុលា ២០១៥	សិង្ហបុរី	Vs	កម្ពុជា	សិង្ហបុរី
១២ វិច្ឆិកា ២០១៥	អាហ្វហ្គានីស្ថាន	Vs	កម្ពុជា	អាហ្វហ្គានីស្ថាន
១៧ វិច្ឆិកា ២០១៥	កម្ពុជា	Vs	ជប៉ុន	កម្ពុជា
២៤ មីនា ២០១៦	ស៊ីរី	Vs	កម្ពុជា	ស៊ីរី