អាថ៌កំបាំងពីក្រោយឆ្កែចេះនិយាយ ក្នុងកម្មវិធី Britain's Got Talent

2015-04-20 21:59:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ការសម្ដែងរបស់ឆ្កែញីមួយក្បាលឈ្មោះ Wendy និងម្ចាស់របស់វាគឺលោក Marc Métral បានធ្វើឲ្យទស្សនិកជនជាច្រើនភ្ញាក់ផ្អើលក្នុងកម្មវិធី Britain's Got Talent 2015 សប្ដាហ៍ទី១ ហើយក៏ត្រូវបានគណៈកម្មការទាំង៤ឲ្យជាប់ទៅវគ្គបន្ទាប់។ ប៉ុន្តែការពិតសត្វឆ្កែមួយក្បាលនេះមិនចេះហើបមាត់និយាយដូចជាអ្វីដែលទស្សនិកជនមើលឃើញឡើយ គឺគ្រាន់តែជាបច្ចេកទេសរបស់ម្ចាស់វាតែប៉ុណ្ណោះ។

លោក Marc Métral មិនបានទម្លាយថាឆ្កែរបស់លោកពិតជាចេះបង្ហើបមាត់តាមការបញ្ជារបស់លោកឬក៏អត់ទេ ប៉ុន្តែប្រភពពីប្រាប់សារព័ត៌មាន Dailymail បានអះអាងថា សត្វឆ្កែនោះត្រូវបានបំពាក់មាត់សិប្បនិម្មិតដែលមានតេឡេបញ្ជាឲ្យបិទបើកបាន។ ពាក់ព័ន្ធការដាក់មាត់សិប្បនិម្មិតនេះ ទស្សនិកជនជាច្រើនបានរិះគន់ថានេះជាទង្វើឃោរឃៅចំពោះសត្វឆ្កែ ហើយអង្គការគាំពារសុខុមាលភាពសត្វរបស់ប្រទេសអង់គ្លេស RSPCA ក៏កំពុងធ្វើការស៊ើបអង្កេតដែរ ដើម្បីរកមើលថាតើការសម្ដែងនេះធ្វើឲ្យ Wendy មានសម្ពាធខ្លាំងឬក៏អត់។

នេះមិនមែនជាលើកទីមួយទេ សម្រាប់ការដាក់មាត់សិប្បនិម្មិតឲ្យសត្វឆ្កែដើម្បីយកមកសម្ដែង ដោយកាលពីបីឆ្នាំមុន គេឃើញមានការសម្ដែងបែបនេះមួយដែរលើឆាក America's Got Talent គ្រាន់តែកាលនោះគឺគេអាចមើលឃើញមាត់សិប្បនិម្មិតក្លែងក្លាយជាងលើកនេះ ៕

ការសម្ដែងរបស់ Marc Métral និង Wendy៖