នៅ​ក្នុង​ប្រវត្តិសាស្ត្រ​នៃ​វិស័យ​ភាពយន្ត មាន​តែ​ភាពយន្ត​ចំនួន ២០រឿង​ប៉ុណ្ណោះ​ដែល​អាច​រក​ចំណូល​បាន​ច្រើន​ជាង​ ១ពាន់​លាន​ដុល្លារ ពី​ការ​បញ្ចាំង​ពី​ជុំវិញ​ពិភពលោក។ ​ក្នុង​នោះ​ខ្សែ​ភាពយន្ត "Furious 7” បាន​ចំណាយ​ពេល​លឿន​ជាង​គេ​ គឺ​ត្រឹម​តែ​១៧ថ្ងៃ​ប៉ុណ្ណោះ ដើម្បី​ជាប់​ក្នុង​បញ្ជី​នេះ។ ចង់​ដឹង​ថា​មាន​ភាពយន្ត​ណា​ខ្លះ​សូម​ទស្សនា​ខាង​ក្រោម៖​

១. Avatar — ២,៧៨ពាន់​លាន​ដុល្លារ

២. Titanic — ២,១៨ពាន់​លាន​ដុល្លារ

៣. The Avengers — ១,៥១ពាន់​លាន​ដុល្លារ

៤. Harry Potter and the Deathly Hallows Part 2 — ១,៣៤ពាន់​លាន​ដុល្លារ

៥. Frozen — ១,២៧ពាន់​លាន​ដុល្លារ

៦. Iron Man 3 — ១,២១ពាន់​លាន​ដុល្លារ

៧. Furious 7 — ១,១៥ពាន់​លាន​ដុល្លារ

៨. Transformers: Dark of the Moon — ១,១២ពាន់​លាន​ដុល្លារ

៩. The Lord of the Rings: The Return of the King — ១,១៩ពាន់​លាន​ដុល្លារ

១០. Skyfall — ១,១០ពាន់​លាន​ដុល្លារ

១១. Transformers: Age of Extinction — ១,០៩ពាន់​លាន​ដុល្លារ

១២. The Dark Knight Rises — ១,០៨ពាន់​លាន​ដុល្លារ

១៣. Pirates of the Caribbean: Dead Man’s Chest — ១,០៦ពាន់​លាន​ដុល្លារ

១៤. Toy Story 3 — ១,០៦ពាន់​លាន​ដុល្លារ

១៥. Pirates of the Caribbean: On Stranger Tides — ១,០៤ពាន់​លាន​ដុល្លារ

១៦. Jurassic Park — ១,០២ពាន់​លាន​ដុល្លារ

១៧. Star Wars: Episode I — The Phantom Menace — ១,០២ពាន់​លាន​ដុល្លារ

១៨. Alice in Wonderland (2010) - ១,០២ពាន់​លាន​ដុល្លារ

១៩. The Hobbit: An Unexpected Journey — ១,០១ពាន់​លាន​ដុល្លារ

២០. The Dark Knight — ១,០ពាន់​លាន​ដុល្លារ

តើ​ចំណុច​អ្វី​ខ្លះ​ដែល​ធ្វើ​ឲ្យ​ខ្សែ​ភាពយន្ត​ខាង​លើ​អាច​រក​ចំណូល​បាន​ច្រើន​បែប​នេះ?

១. ខ្សែ​ភាពយន្ត​ដែល​ស្ថិត​ក្នុង​បញ្ជី​ខាង​លើ​ទាំង​អស់​សុទ្ធ​តែ​ជា​ខ្សែ​ភាពយន្ត​ក្នុង​រយៈ​ពេល ២២ឆ្នាំ​ចុង​ក្រោយ​នេះ (Jurassic Park ពី​ឆ្នាំ​១៩៩៣ គឺ​ជា​រឿង​ចាស់​ជាង​គេ)។ ក្នុង​រយៈ​ពេល​នេះ​តម្លៃ​សំបុត្រ​ចូល​ទស្សនា​ភាពយន្ត​កើន​ឡើង​ខ្លាំង​នៅ​ជុំវិញ​ពិភពលោក បូក​រួម​ទាំង​ការ​លេចឡើង​នៃ​សេវាកម្ម​ VIP ផ្សេង​ៗ និង​បច្ចេកវិទ្យា 3D ដូច្នេះ​ហើយ​គ្មាន​អ្វី​គួរ​ឲ្យ​ភ្ញាក់ផ្អើល​ឡើយ​ដែល​ភាពយន្ត​ជំនាន់​នេះ​អាច​រក​បាន​ដល់​ពាន់​លាន​ដុល្លារ។

២. អ្នក​មើល​កុន​ចូលចិត្ត​​មើល​រឿង​អ្វី​ដែល​គេ​ធ្លាប់​ស្គាល់។ តួ​យ៉ាង ក្នុង​ចំណោម​ខ្សែ​ភាពយន្ត ២០រឿង​ខាង​លើ មាន​ភាពយន្ត ១៦រឿង​ហើយ​ ដែល​ជា​វគ្គ​បន្ត (Sequel) និង​ភាពយន្ត​ផលិត​ថ្មី (Remake)។ ហូលីវូដ​បាន​យល់​ច្បាស់​ពី​ចំណុច​នេះ ដូច្នេះ​ហើយ​ពួក​គេ​តែងតែ​ព្យាយាម​រិះរក​គំនិត​ផលិត​ខ្សែ​ភាពយន្ត​តៗ​គ្នា​ពី​មួយ​វគ្គ​ទៅ​មួយ​វគ្គ។ ខ្សែ​ភាពយន្ត​ ៤​រឿង​ដែល​ជា​ភាពយន្ត​ថ្មី ក្នុង​បញ្ជី​នេះ​មាន​ដូច​ជា "Titanic”, “Avatar”, “Jurassic Park” និង “Frozen” ហើយ​បើ​និយាយ​ពី​ខ្សែ​ភាពយន្ត​ដែល​ជា​គំនិត​ថ្មី​ទាំង​ស្រុង​នោះ​ មាន​តែ​មួយ​រឿង​គត់​គឺ​រឿង "Avatar”។​

៣. ខ្សែ​ភាពយន្ត​ដែល​រក​បាន​ចំណូល​ច្រើន​មិន​ចាំបាច់​ទាល់​តែ​ជា​ខ្សែភាពយន្ត​ល្អ​នោះ​ទេ។ ស្រប​ពេល​ដែល​រឿង "Toy Story 3”, “Harry Potter and the Deathly Hallows Part 2” និង “Lord of the Rings: The Return of the King” ត្រូវ​បាន​អ្នក​ទស្សនា​លើស​ពី ៩៥%​វាយ​តម្លៃ​ថា​ល្អ​ លើ​គេហទំព័រ​វាយ​តម្លៃ​ភាពយន្ត Rotten Tomatoes ខ្សែ​ភាពយន្ត​មួយ​ចំនួន​ទៀត ដូច​ជា​រឿង " Transformers: Age of Extinction” ដែល​រក​ចំណូល​បាន ១,០៩ពាន់​លាន​ដុល្លារ ទទួល​បាន​ការ​វាយ​តម្លៃ​ថា​ល្អ ត្រឹម​តែ ១៨ភាគ​រយ​ប៉ុណ្ណោះ ហើយ​ខ្សែ​ភាពយន្ត “Transformers: Dark of the Moon” និង “Pirates of the Caribbean: Stranger Tides” ក៏​បាន​ពិន្ទុ​ប្រហែល​ៗ​នេះ​ដែរ។

៤. យុទ្ធសាស្ត្រ​ទីផ្សារ​ដោយ​ប្រើ​ប្រាស់​ដើម​ទុន​ច្រើន​សន្ធឹកសន្ធាប់​បាន​ក្លាយ​ជា​យុទ្ធសាស្ត្រ​សំខាន់​មួយ​សម្រាប់​ហូលីវូដ ដើម្បី​ទាក់ទាញ​ចំនួន​អ្នក​ទស្សនា។ នៅ​ពេល​ដែល​គេ​ហ៊ាន​ចំណាយ​ប្រាប់​រាប់​រយ​លាន​ដុល្លារ​ដើម្បី​ផលិត​ភាពយន្ត​មួយ​រឿង​ហើយ ប្រាកដ​ជា​មាន​មនុស្ស​ច្រើន​ចង់​ឃើញ​ចង់​ដឹង​ថា​រឿង​នេះ​អស្ចារ្យ​ប៉ុណ្ណា។ ដូច​ជា​ខ្សែ​ភាពយន្ត "Avatar” ត្រូវ​បាន​គេ​ដឹង​ថា​បាន​ចំណាយ​ដើម​ទុន អស់ ១៥០លាន​ដុល្លារ។

៥. ខ្សែ​ភាពយន្ត​ខាង​លើ​មិន​បាន​បញ្ចូល​ខ្សែ​ភាពយន្ត​ចាស់​ៗ នៅ​ពេល​ដែល​តម្លៃ​លុយ​ដុល្លារ​មិន​ទាន់​ប្រែប្រួល​ខ្លាំង​ដោយ​សារ​អតិផរណា​ទេ។ ប្រសិន​បើ​គេ​ប្រៀបធៀប​តម្លៃ​​លុយ​ពី​មុន និង​តម្លៃ​លុយ​បច្ចុប្បន្ន គេ​អាច​រក​ឃើញ​ខ្សែ​ភាពយន្ត​មួយ​ចំនួន​ទៀត​ដែល​រក​ចំណូល​បាន​ខ្ទង់​ពាន់​លាន​ដុល្លារ​ដូច​ជា​៖​​

"Gone with the Wind" (១៩៣៩)

"Star Wars" (១៩៧៧)

"The Sound of Music" (១៩៦៥)

"E.T.: The Extra-Terrestrial" (១៩៨២)

"The Ten Commandments" ១៩៥៦)

"Jaws" (១៩៧៥)

ចុចអាន៖អាស៊ី​នាំ​មុខ​​អាមេរិក​ និង​កាណាដា​ រឿង​​រក​លុយ​ឲ្យ​ភាពយន្ត​