អាស៊ីនាំមុខអាមេរិក និងកាណាដា រឿងរកលុយឲ្យភាពយន្ត

2015-03-14 16:47:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ការរកចំណូលពីភាពយន្តនៅអាមេរិកកាលពីឆ្នាំទៅ ដូចជាមិនសូវល្អសោះ គឺបានទីផ្សារក្រៅដី គឺប្រទេសផ្សេងៗនៅអាស៊ី ជាពិសេសចិន ជួយស្រោចស្រង់ទៅវិញ។ ប្រជាជនអាស៊ីកាន់តែច្រើនឡើងបានចំណាយថវិកាដើម្បីទស្សនាភាពយន្តផ្សេងៗ។

ប្រាក់ចំណូលបានពីភាពយន្តពីទីផ្សារអាស៊ី មានប្រទេសចិនលេចធ្លោជាងគេ គឺរកបានច្រើនជាងប្រាក់ចំណូលទទួលពីការបញ្ចាំងកុននៅអាមេរិក និងកាណាដាទៅទៀត។ នេះបើតាមការឲ្យពី Motion Picture Association of America។

ទីផ្សារធំផ្នែកភាពយន្តនៅអាស៊ីមានប្រទេសចិន ជប៉ុន ឥណ្ឌា កូរ៉េខាងត្បូង តៃវ៉ាន់ និងឥណ្ឌូណេស៊ី ដោយរកបានប្រាក់ចំណូលសរុប១០,៥ពានលានដុល្លារកាលពីឆ្នាំទៅ នាំមុខអាមេរិក និងកាណាដា ដែលរកបានត្រឹម១០,៤ពានលានដុល្លារ។

ក្នុងចំណោមប្រទេសអាស៊ី ដែលជាទីផ្សារភាពយន្តធំ ចិនគឺនាំមុខគេ។ ប្រាក់ចំណូលរកបានពីការលក់សំបុត្រក្នុងប្រទេសនេះបានប្រមាណជា៤,៨ពាន់លានដុល្លារកាលពីឆ្នាំទៅ កើនឡើង៣៤ភាគរយ ធៀបនឹងឆ្នាំ២០១៣៕

-អានអត្ថបទ៖ រឿងពិតពាក់ព័ន្ធតួ នាយសានីតរឿង “អ្នកប្រដាល់មិនដែលឈ្នះ”និង”ប៉ាប៉ាដ៏អស្ចារ្យ”

ប្រភព៖ qz