ទិដ្ឋភាពភ្នំភ្លើងផ្ទុះដ៏គួរឲ្យខ្លាចនៅប្រទេសឈីលី

2015-04-24 15:46:44
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទុះភ្នំភ្លើងដ៏ខ្លាំងក្លាបំផុតមិនធ្លាប់មានក្នុងប្រទេសឈីលីរយៈពេលជាង ៤០ឆ្នាំចុងក្រោយ បានបញ្ចេញផ្សែងភ្លើងឡើងខ្ពស់ត្រដែត បង្កើតជាទស្សនីយភាពគួរឲ្យខ្លាច។ ជាលើកទីមួយគិតចាប់តាំងពីឆ្នាំ១៩៧២ ដែលភ្នំភ្លើងក្នុងប្រទេសឈីលីចាប់ផ្ដើមមានសកម្មភាពឡើងវិញនៅប៉ុន្មានថ្ងៃកន្លងមកនេះ។

មនុស្សប្រមាណ ១៥០០នាក់ ត្រូវបង្ខំឲ្យភៀសខ្លួនចេញពីផ្ទះសម្បែង ដើម្បីគេចពីគ្រោះថ្នាក់ដោយកម្អែលភ្នំភ្លើង។ ភ្នំភ្លើង Calbuco នៅភាគខាងត្បូង ត្រូវគេចាត់ទុកថាជាភ្នំភ្លើងមួយ ក្នុងចំណោមភ្នំភ្លើងដ៏គ្រោះថ្នាក់បំផុតទាំងបីរបស់ប្រទេសឈីលី ដែលមានភ្នំភ្លើងសរុបដល់ទៅ៩០។

ផេះ និងផ្សែង បានគ្របដណ្ដប់ផ្ទៃមេឃ មើលអ្វីលែងឃើញនៅតាមទីក្រុងជាច្រើន ព្រមទាំងរសាត់អណ្ដែតចូលប្រទេសអាហ្សង់ទីនចម្ងាយជាង ១៦០គីឡូម៉ែត្រ។ ភ្នំភ្លើងដែលផ្ទុះឡើងនាពេលនេះ មានទីតាំងនៅជិតទីក្រុងទេសចរណ៍ Puerto Varas និង Puerto Montt ដែលមានចម្ងាយជាង ១ពាន់គីឡូម៉ែត្រ ភាគខាងត្បូងរដ្ឋធានី Santiago៕

ទស្សនាទិដ្ឋភាពដ៏គួរឲ្យខ្លាចនេះ៖