Google ចេញមុខងារស្វែងរកអ្នកបាត់ខ្លួនដោយសាររញ្ជួយដីនៅនេប៉ាល់

2015-04-27 16:43:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Google នៅឥណ្ឌាបានចេញមុខងារមួយឈ្មោះថា Person Finder ដើម្បីជាមធ្យោបាយស្វែងរកមនុស្សបាត់ខ្លួននៅក្នុងហេតុការណ៍រញ្ជួយដី ដែលបានសម្លាប់មនុស្សជាច្រើនពាន់នាក់កាលពីថ្ងៃសៅរ៍កន្លងទៅ។

មុខងារនេះអាចជួយឱ្យគ្រួសារឬមិត្តភក្តិ ស្វែងរកសាច់ញាតិបងប្អូន ដែលបានបាត់ខ្លួននៅគ្រោះមហន្តរាយរញ្ជួយដីដ៏សាហាវកម្រិត ៧,៩ រ៉ិចទ័រ។ គ្រួសារជនរងគ្រោះទាំងអស់អាចស្នើនិងផ្តល់ព័ត៌មានអំពីជនដែលបានបាត់ខ្លួននោះចូលទៅក្នុងមុខងារថ្មីនេះបាន។

Google Person Finder បានចូលរួមចំណែកជួយពិភពលោក តាំងពីគ្រោះមហន្តរាយរញ្ជួយដីនៅហៃទីឆ្នាំ ២០១០ ហើយក៏បានជួយមនុស្សជាច្រើន ឱ្យរកឃើញសាច់ញាតិរបស់ខ្លួនបន្ទាប់ពីគ្រោះមហន្តរាយជាច្រើនផងដែរ។ គ្រប់ទិន្នន័យទាំងអស់នៅក្នុង Person Finder គឺបង្ហាញជាសាធារណៈ ដែលអ្នករាល់គ្នាអាចស្វែងរកបាន។

ក្រៅពី Google ក្រុមហ៊ុន Facebook ក៏បានចូលរួមចំណែកជួយជនរងគ្រោះក្នុងគ្រោះមហន្តរាយរញ្ជួយដីនៅនេប៉ាល់ ដោយបានដាក់មុខងារថ្មីឈ្មោះ Safe Status ដើម្បីបង្ហាញថាអ្នកណាម្នាក់នៅក្នុងតំបន់គ្រោះថ្នាក់មានសុវត្ថិភាពឬក៏អត់៕

អាន៖ Facebook ចេញ Tool ថ្មីរួមចំណែកជួយអ្នកគ្រោះថ្នាក់រញ្ជួយដីនៅនេប៉ាល់

ប្រែសម្រួល៖ ប៉ែត ផាន់និត

ប្រភព៖ indianexpress