បេនីយុំាង ព្រមានធ្ងន់ៗលើអ្នកបង្ខូចឈ្មោះនាង

2015-04-28 17:04:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្រីស្អាត បេនីយុំាង បានផ្ញើសារព្រមានបុគ្គលអនាមិកម្នាក់ថា នឹងមិនរួចខ្លួនទេ ប្រសិនបើជននោះមិនព្រមបញ្ឈប់សកម្មភាពមានចេតនាបង្កាច់បង្ខូចឈ្មោះនាងតទៅទៀត។

“បើគាត់មិនបញ្ឈប់ នឹងមិនរួចខ្លួនទេ ស្រីក៏ដោយប្រុសក៏ដោយ បើរកឃើញ ខ្ញុំអត់លើកលែងទេ ព្រោះជាចេតនាបង្ខូចឈ្មោះខ្ញុំហួសហេតុពេក។ ខ្ញុំសុំប្រាប់ទៅចុះ...ខ្ញុំកំពុងរកច្បាប់ឲ្យជួយហើយ!"។

បេនីយុំាង ដាច់ចិត្តធ្វើការព្រមានខ្លាំងៗដូច្នេះ បន្ទាប់ពីគណនី Facebook មួយប្រើអត្តសញ្ញាណនាងសរសេរពាក្យអាសគ្រាមជាភាសាក្នុងរឿងផ្លូវភេទដែលនាងយល់ថាជាចេតនាបង្ខូចឈ្មោះនាងធ្ងន់ធ្ងរ មិនអាចទទួលយកបាន។

“កុំបំផ្លាញកិត្តិយសខ្ញុំដោយយករូបខ្ញុំមកលេងបែបថោកទាបអញ្ចឹង ហើយ acc នេះមិនមែនជារបស់ខ្ញុំទេ... Help share all fan .. Nas help tell monos cheap del play neng pong thank all:) ”។ បេនីយុំាង សរសេរលើគណនីរបស់នាង។

ពាក់ព័ន្ធនឹងគណនីមួយនោះ បេនីយុំាង ប្រាប់ថា នាងមិនដឹងថាត្រូវបានបង្កើតឡើងតាំងពីពេល នឹងបានធ្វើអ្វីខ្លះពាក់ព័ន្ធនឹងរូបនាងឡើយ។ ប៉ុន្តែនាងទើបតែដឹងថ្មីៗ បន្ទាប់ពីមានអ្នកគាំទ្រនាងមួយចំនួនបានប្រាប់ឲ្យដឹង និងខ្លះបានផ្ញើ Link មកឲ្យតែម្ដងទើបនាងដឹង។ យុំាង ថ្លែងថា នាងខឹងហួសប្រមាណ បន្ទាប់ពីទទួលបានព័ត៌មាននេះ មិនគួរណាគេយកកិត្តិយសនាងមកជាន់ឈ្លីដូច្នេះ។

តារាស្រីកំពុងទទួលការចាប់អារម្មណ៍រូបនេះ ឲ្យដឹងទៀតថា មិនត្រឹមតែនាងទេ សូម្បីក្រុមគ្រួសារនាងក៏ខឹងខ្លាំងដែរចំពោះរឿងដែលបានកើតឡើង។ ដូច្នេះហើយ ដាច់ខាតនាង នឹងមិននៅស្ងៀមឡើយ ដរាបណាបុគ្គលអនាមិកនោះមិនព្រមបញ្ឈប់សកម្មភាពរបស់ខ្លួន។ នាងលើកឡើងថា នាងកំពុងទុកដាក់ការងារនេះលើសមត្ថកិច្ច ឯខ្លួននាងក៏មិននៅស្ងៀមដែរ។

ដោយភ្ជាប់ជាមួយរូបថតបុរសអត់ពាក់អាវម្នាក់ផងដែលនាងបានព្រីនស្គ្រីនគណនីមួយនោះផង បេនីយុំាង ស្នើឲ្យប្រិយមិត្តចូលរួមជួយនាងបន្ថែមក្នុងរឿងនេះផង។ “មានមិត្តណាស្គាល់ Acc នេះ លេងដូចជាហួសហេតុពេកហើយ ខ្ញុំមិនដែលស្គាល់សោះមកលេងអីចឹងៗ បើឲ្យខ្ញុំរកឃើញ ខ្ញុំមិនយល់ថាស្រី ឬប្រុសទេ...បើមិត្តណាបានស្គាល់ជួយប្រាប់ខ្ញុំផង!”។

ករណីពីគណនី Facebook ក្លែងក្លាយនេះ បេនីយុំាង មិនមែនជាតារាខ្មែរទី១ឡើយ ដែលបានជួបប្រឈម ក្នុងនោះលោក សាវិន ភីលីប និង នីកូ ជាដើម ក៏ធ្លាប់ជួបដែរ ប៉ុន្តែក្នុងចំណោមនេះ មានតែករណីរបស់តារាចម្រៀង នីកូ ប៉ុណ្ណោះដែលត្រូវបានបង្ក្រាបដោយសមត្ថកិច្ចនាពេលកន្លងមក៕

អត្ថបទ៖ ទារិកា