កុមារា១១ឆ្នាំម្នាក់ ធ្វើឱ្យ Arsenal, Chelsea និង Spurs ប្រជែងគ្នាយក

2015-04-30 22:54:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Charlie Patino ជាយុវជនឆ្នើមដែលមានក្លិបធំៗ៣កំពុងតែប្រជែងគ្នាយកគឺ Arsenal , Chelsea និង Spurs ព្រោះមើលឃើញសមត្ថភាពកុមារាវ័យ១១ឆ្នាំរូបនេះដូច Jack Wilshere ។

Charlie Patino

Jack Wilshere ដំបូងឡើយជាយុវជនរបស់ Luton ហើយដោយមានសមត្ថភាពល្អ ទើបលោក Arsene Wenger នាំយកមកលេងនៅឈុតយុវជនរបស់ Arsenal ត្រឹមវ័យ៩ឆ្នាំ។ រហូតដល់វ័យ១៦ឆ្នាំ ក៏បានចូលលេងនៅឈុតធំតែម្ដង។

ដោយឡែកពេលនេះ Patino ជាយុវជនកំពុងតែហ្វឹកហាត់ជាមួយក្រុម Luton ដែរនោះ ក៏កំពុងតែដើរតាមគន្លងរបស់ខ្សែបម្រើវ័យ២៣ឆ្នាំខាងលើនេះដែរ ពោលគឺរូបគេទាំងពីរលេងនៅតំបន់ដូចគ្នា (ខ្សែបម្រើ) និងមានទេពកោសល្យដូចគ្នាដែរ។ ទន្ទឹមនឹងមានការចាប់អារម្មណ៍ច្រើនពីក្លិបធំៗ ឪពុករបស់ Patino បាននិយាយថា៖ "យើងគ្រាន់តែចង់ឱ្យគេក្លាយជាកីឡាករអាជីពម្នាក់ប៉ុណ្ណោះ។ គាត់ជាក្មេងមានទេពកោសល្យ ដូច្នេះគាត់ជាអ្នកសម្រេចជោគវាសនាខ្លួនឯង”។

យុវជនឆ្នើមខាងលើនេះ ហ្វឹកហាត់ខ្លួនឯងមួយសប្ដាហ៍រយៈពេល៦ម៉ោង ហើយទៅហាត់ជាមួយក្រុម Luton ជាង១០ម៉ោងក្នុងមួយខែទៀត។ យ៉ាងណាក្ដី Patino មិនមានពេលច្រើនទេ ព្រោះរវល់សិក្សា។ ត្បិតតែមានការចាប់អារម្មណ៍ពីក្លិបធំៗនៅអង់គ្លេសមែន ប៉ុន្តែគ្រួសាររបស់គេបាននិយាយថា ក្មេងរូបនេះចូលចិត្តក្រុម Barcelona ជាងគេ ៕

ចុចអានReal Madrid ចេញមកបដិសេធរឿង FIFA ពិន័យមិនឱ្យទិញកីឡាករ

ប្រែសម្រួល៖ មុន្នី រម្យ ប្រភព៖ clarosports