Britney Spears គ្រេចកជើងពេលកំពុងច្រៀង តែនៅបន្តសម្ដែង តារាខ្លះពិបាកធ្វើបាន
- 2015-05-02 18:37:39
- ចំនួនមតិ 0 | ចំនួនចែករំលែក 0
Britney Spears គ្រេចកជើងពេលកំពុងច្រៀង តែនៅបន្តសម្ដែង តារាខ្លះពិបាកធ្វើបាន
ចន្លោះមិនឃើញ
រាជិនីប៉ុបអាមេរិក នាង Britney Spears បានគ្រេចកជើងពេលកំពុងសម្ដែងនៅ Las Vegas កាលពីថ្ងៃពុធកន្លងទៅ ប៉ុន្តែនាងនៅតែបន្តច្រៀងទាំងអង្គុយ មុននឹងអ្នករាំជួយក្រៀកនាងឡើង។
ក្រោយរងរបួស តារាចម្រៀងវ័យ៣៣ឆ្នាំរូបនេះបានផ្ញើសារទៅកាន់អ្នកគាំទ្ររបស់ខ្លួនថា របួសនេះបានបង្ខំឲ្យនាងត្រូវកែកាលវិភាគសម្ដែងជាថ្មី។
ក្នុងសារនោះមានអត្ថន័យថា៖ "វាធ្វើឲ្យខ្ញុំខូចចិត្តដែលត្រូវផ្ញើសារនេះ។ បន្ទាប់ពីរបួសកជើងនៅរាត្រីនោះ វេជ្ជបណ្ឌិតរបស់ខ្ញុំបានប្រាប់ខ្ញុំមិនឲ្យសម្ដែងជាដាច់ខាតក្នុងចុងសប្ដាហ៍នេះ។ ពាក្យដ៏សប្បុរសរបស់អ្នកមានន័យណាស់ចំពោះខ្ញុំ។ ខ្ញុំកំពុងតែកែកាលវិភាគការសម្ដែងចុងសប្ដាហ៍នេះ ហើយនឹងប្រាប់អ្នកឲ្យដឹងពេលមានពេលល្អ"។
ពេល Britney Spears គ្រេចកជើង គឺពេលនាងកំពុងសម្ដែងបទដែលគេនិយមខ្លាំងឆ្នាំ១៩៩៩ មានចំណងជើងថា "(You Drive Me) Crazy" ហើយនាងហាក់ដូចជាភ្លាត់កែងជើង និងដួល ដូចបង្ហាញក្នុងវីដេអូថតដោយអ្នកគាំទ្រខាងក្រោម៖
បើទោះបីនាងគ្រេចកជើងក្ដី នាងនៅតែអាចបន្តច្រៀងបានទៀត ហើយបានធ្វើឲ្យអ្នកគាំទ្ររបស់នាងធូរចិត្ត ក្រោយពីទទួលបានសារថា នាងអត់អីទេឥឡូវនេះ។
ម្ចាស់បទ "Baby One More Time” រូបនេះធ្លាប់មានប្រវត្តិរបួសនេះច្រើនណាស់មកហើយ។ នៅឆ្នាំ១៩៩៩ នាងធ្លាប់មានបញ្ហារបួសជង្គង់ ពេលកំពុងហាត់សម និងបានឆ្លងកាត់ការវះកាត់ទៀតផង។ ក្នុងឆ្នាំ២០០៤ នាងបានរងរបួសជង្គង់ដដែល ពេលកំពុងថតសម្ដែងបទ "Outrageous” និងត្រូវបង្ខំចូលមន្ទីរពេទ្យវះកាត់ជាថ្មី៕
-អានអត្ថបទ៖ ឆ្កែចម្លែកអាចឲ្យមនុស្សដេកលក់ពេញឆាក ដោយគ្រាន់តែមើលភ្នែក
ប្រភព៖ huffingtonpost
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
