យីហោរថយន្តល្បីៗរបស់ជប៉ុន កុំច្រឡំរបស់ប្រទេសលោកខាងលិច
- 2015-05-02 23:30:37
- ចំនួនមតិ 0 | ចំនួនចែករំលែក 0
យីហោរថយន្តល្បីៗរបស់ជប៉ុន កុំច្រឡំរបស់ប្រទេសលោកខាងលិច
ចន្លោះមិនឃើញ
ជប៉ុនត្រូវបានគេទទួលស្គាល់ថា ជាប្រទេសបច្ចេកវិទ្យាខ្លាំងបំផុតក្នុងពិភពលោក អាចមើលឃើញតាមរយៈការផលិតរថយន្ត។ អ្នកខ្លះសឹងតែមិនជឿថា យីហោរថយន្តទាំងនោះជារបស់ជប៉ុនទៀតផង។ តោះ! កុំឲ្យច្រឡំ ទៅមើលរថយន្តល្បីៗរបស់ជប៉ុនទាំងអស់គ្នា៖
Acura
Acura ទើបបង្កើតក្នុងឆ្នាំ១៩៨៦ រយៈពេលខ្លីនៅឡើយ ប៉ុន្តែបានផលិតរថយន្តល្អៗដូចជា 3.2TL និង MDX។
Acura 3.2TL
Honda
Honda ជាយីហោល្បីដែលមានមនុស្សភាគច្រើនបានស្គាល់រួចទៅហើយ។ Honda បានបង្កើតឡើងក្នុងឆ្នាំ១៩៤៦ និងបានផលិតរថយន្តជាច្រើនម៉ូដែល។ រថយន្តដ៏គួរឲ្យកត់សម្គាល់របស់ខ្លួនមានដូចជា Civic, Fit, Accord, CR-Z, legends, CR-Vជាដើម។
Honda Accord 2015
Lexus
ជាយីហោរថយន្តថ្មីរបស់ជប៉ុន បង្កើតក្នុងឆ្នាំ១៩៨៩ ប៉ុន្តែរថយន្ត Lexus មានគុណភាពល្អ និងរចនាប្រកបដោយភាពទាក់ទាញ។ Lexus បានផលិតរថយន្តល្អៗគួរឲ្យកត់សម្គាល់ដូចជា Lexus F marque, Lexus IS, ម៉ូដែល Lexus HS, និងម៉ូដែល Lexus LS។
Lexus F marque
Daihatsu
Daihatsu ចាត់ទុកថា ជាក្រុមហ៊ុនផលិតរថយន្តជប៉ុនដ៏យូរ បង្កើតឡើងនៅឆ្នាំ១៩០៧។ ក្រុមហ៊ុននេះផលិតរថយន្តម៉ូដែលល្បីៗដូចជា Move-Custom, Copen, Materia, Mira, Midget, Mebius, Luxio, Max, Ceria, Bee, Taft និង Tranto ជាដើម។
Daihatsu Copen ២០១៥
Mazda
ជាក្រុមហ៊ុនបង្កើតឡើងនៅឆ្នាំ១៩២០ និងបានផលិតរថយន្តជាច្រើន ហើយរថយន្តដែលល្បីបំផុតរបស់យីហោនេះគឺកំពុងតែប្រើប្រាស់ដោយប្រជាជនជុំវិញពិភពលោក។
Mazda CX-5 2015
Mitsubishi
Mitsubishi ត្រូវបានបង្កើតឡើងតាំងពីឆ្នាំ១៩១៧ និងបានផលិតរថយន្តជាច្រើនប្រភេទ រាប់ទាំងរថយន្តប្រើអគ្គិសនីផង។
Mitsubishi CA-MiEV ប្រើអគ្គិសនី
Nissan
បង្កើតឡើងក្នុងឆ្នាំ១៩៣៣ Nissan បានលក់រថយន្តច្រើនជាង២០ម៉ូដែលផ្សេងៗគ្នាទូទាំងពិភពលោក។ រថយន្តដ៏សំខាន់ៗរួមមាន Cabriolet, Leaf, Juke និង Cube។
Nissan Juke 2015
Subaru
Subaru បង្កើតឡើងក្នុងឆ្នាំ១៩៥៣ និងបានផលិតរថយន្ត BRZ, Impreza, Outback និង Tribeca។
Subaru Impreza 2015
Toyota
ជាទូទៅគេបានស្គាល់ហើយ ថារថយន្តយីហោ Toyota ជារបស់ជប៉ុន ដោយសារជាយីហោនេះល្បី។ បង្កើតឡើងក្នុងឆ្នាំ១៩៣៧ Toyota បានផលិតរថយន្តច្រើនម៉ូដែលដូចជា Prius, Tundra, Corrola ឬ Yaris និងម៉ូដែលជាច្រើនទៀត។
Toyota Corolla 2015
ប្រភព៖ autocarbrands