ក្រោយដើរចេញពី SNSD Jessicaចាប់ផ្ដើមផ្សព្វផ្សាយហាង Fashion ខ្លួនឯង

2014-10-09 22:47:50
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនដល់មួយសប្ដាហ៍ផង ក្រោយពីត្រូវបង្ខំចិត្តឲ្យដើរចេញពី ក្រុម Girls' Generation ពេលនេះ Jessica បានងាកមកពង្រឹងជំនួញរបស់ខ្លួនវិញម្ដងតាមរយៈការផ្សព្វផ្សាយដោយផ្ទាល់។

“ក្រុមហ៊ុន Fashion Blance បានដាក់បង្ហាញផលិតផលថ្មីមួយឈ្មោះ "ECLARE” ក្រោយផលិតផលដំបូងទទួលបានជោគជ័យជាខ្លាំង"។ នេះជាការលើកឡើងរបស់ Hill and Knowlton ដែលជាភ្នាក់ងារទំនាក់ទំនងសាធារណៈរបស់ក្រុមហ៊ុន Blance ក្នុងសន្និសីទកាសែតមួយ។

“ECLARE ក្លាយពីភាសាឡាតាំងថា "Clara”។ វាបង្កប់នូវទស្សនវិស័យនៃភាពច្បាស់លាស់ និងភាពឆ្លុះបញ្ចាំងរបស់ប្រធានផ្នែកឌីហ្សាញគឺ Jessica”។

ក្នុងសេចក្ដីប្រកាសនោះក៏មានបញ្ចូលសម្ដីរបស់អតីតសមាជិក SNSD ដែរថា "វាដូចជាលឿនជាងការគ្រោងទុកបន្តិច តែខ្ញុំពិតជារីករាយដែលបានដើរទៅមុខមួយជំហានទៀតជាមួយ Blanc & ECLARE។ អរគុណសម្រាប់ការគាំទ្រជារៀងរហូតមក"។

សកម្មភាពរបស់ Jessica ទៅលើផ្នែក Fashion នេះជាសញ្ញាមួយដែលបង្ហាញពីចុងបញ្ចប់នៃមនោសញ្ចេតនាជាមួយផលិតកម្ម SM ហើយនាងទំនងប្រហែលមិនត្រឡប់ទៅរកទ្រនំចាស់នេះវិញទេ។

ចាំមើលភាគបន្តរបស់ Jessica ទាំងអស់គ្នា!

ចុចត្រង់នេះ ដើម្បីអាន Jessica បង្ហាញសារឈឺចាប់ ក្រោយត្រូវបណ្ដេញចេញពីក្រុម Girls’ Generation ជាផ្លូវការ៕

ប្រែសម្រួល៖ សីហា ប្រភព៖ lollipop