រាល់​ផលិតផល​បច្ចេកវិទ្យា​ចុង​ក្រោយ​ទាំង​អស់​មិន​មែន​សុទ្ធ​តែ​ឥត​ខ្ចោះ​នោះ​ទេ។ អ្នក​ខ្លះ​អាច​នឹង​ពេញ​ចិត្ត​នូវ​ភាព​វិវឌ្ឍ​នៃផលិត​ផល​បច្ចេកវិទ្យា​ថ្មី​នេះ​ ប៉ុន្តែ​អ្នក​ផ្សេង​អាច​​យល់​ថា​ ការ​ផ្លាស់​ប្ដូរ​នោះ​ដូច​ជា​​មិន​ល្អ​​ទៅវិញ។

តួយ៉ាង​ គេហទំព័រ​បរទេស​ Apple Insider​ បាន​លើក​យក​នូវ​ចំណុចគុណសម្បត្តិ​​៣ចំណុច​​ និងគុណ​វិបត្តិ​​​៣ចំណុច​​ នៃ​កុំព្យូទ័រ​ Macbook​ ស៊េរី​ថ្មីនេះ​មក​បង្ហាញ​ដូច​ខាង​​ក្រោម។

  គុណ​សម្បត្តិ៖​ ១. រចនា​បាន​រូប​រាង​ស្ដើង​ ទាក់ទាញ​ការ​ចាប់​អារម្មណ៍​ខ្លាំង​ពី​មហាជន​

២. អាច​បំពាក់​អេក្រង់​ Retina ​លើ​កុំព្យូទ័រ​ស្ដើង​ និង​ស្រាល​បែប​នេះ​បាន

៣. មាន​ជម្រើស​ពណ៌​ច្រើន​ ដល់​ទៅ​បី​ គឺ​ពណ៌​ប្រាក់​ មាស​ និង​ប្រផេះ​ ដែល​ម៉ូដែល​មុន​​ Macbook air ឬ​ pro​ មាន​តែ​ពណ៌​ប្រាក់។ ចំណែក​ Storage ក៏​ធំ​ដែរ​ គឺ​តិច​បំផុត​ក៏​ទំហំ​ ២៥៦​ GB​ ដែរ។

គុណ​វិបត្តិ៖ ១. ការ​លែង​ប្រើ​ក្បាល​ឌុយ​សាក​ MagSafe ​អាច​នឹង​ធ្វើ​ឲ្យ​អ្នក​ប្រើប្រាស់​ចាយ​លុយ​ច្រើន​ពេល​មាន​បញ្ហា​ឧប្បត្តិហេតុ​ចៃដន្យ​អ្វី​មួយ។

២. អត់​មាន​​រន្ធ​ USB-C adapter។ បើ​ចង់​ដោយ​ Flash ទាមទារ​ឲ្យ​ទិញ​ splitter USB-C adapter មក​បំពាក់​ខាង​ក្រៅ។

៣. ចាប់​ផ្ដើម​ពី​តម្លៃ​១២៩៩​$​ វា​ហាក់​បី​ដូច​ជា​ថ្លៃ​ជាង​អ្វី​ដែល​ Macbook ​ថ្មី​ផ្ដល់​ជា​​ប្រយោជន៍​​មក​អ្នក​ប្រើប្រាស់​វិញ។

  ចុះ​ចំពោះ​ប្រិយមិត្ត​យល់​ថា​ Macbook ស៊េរី​ថ្មី​នេះ​មាន​គុណសម្បត្តិ​ និង​គុណ​វិបត្តិ​អ្វី​ខ្លះ?

ប្រភព៖ appleinsider