ឧទ្យានហ្គេម 4D ទំនើបដំបូងគេក្នុងលោក ធ្វើឱ្យអ្នកព្រឺព្រួចនិងរន្ធត់

2015-05-08 17:36:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនបច្ចេកវិទ្យា Void គ្រោងនឹងបង្កើតឧទ្យានហ្គេមអេឡិចត្រូនិកប្រើបច្ចេកវិទ្យា Virtual Reality (VR) ដែលធ្វើឱ្យអ្នកលេងហ្គេមទាំងអស់មានអារម្មណ៍ហាក់ដូចជាស្ថិតក្នុងពិភពហ្គេមពិតៗ។

[twentytwenty]

[/twentytwenty]

បច្ចេកវិទ្យានៅក្នុងឧទ្យានហ្គេមទំនើបនេះ តម្រូវឱ្យអ្នកលេងហ្គេមទាំងអស់ពាក់អាវ Rapture Vest ដើម្បីឱ្យអ្នកលេងហ្គេមមានអារម្មណ៍ថារងការវាយប្រហារ ស្រោមដៃ Rapture Glove សម្រាប់ចាប់កាន់អាវុធ និងមួក Rapture HMD ដើម្បីឱ្យពួកគេមើលឃើញរូបភាពជាលក្ខណៈ 4D (4D Environmental FX) និងមានអារម្មណ៍ថា កំពុងស្ថិតក្នុងពិភពហ្គេមនោះផ្ទាល់តែម្ដង រីឯជញ្ជាំងសុទ្ធតែបំពាក់ដោយបច្ចេកវិទ្យា Virtual Reality ទាំងអស់។ អ្នកលេងហ្គេមទាំងអស់អាចលេងហ្គេមលក្ខណៈតែឯងឬជាក្រុមក៏បាន។

"អាវ Rapture Vest របស់យើងមិនមែនញ័រធម្មតាទេ។ វានឹងធ្វើឱ្យអ្នកលេងហ្គេមមានអារម្មណ៍ថារងការវាយប្រហារពិតៗពីសំណាក់វត្ថុ VR ទាំងឡាយ"។ នេះបើតាមការបញ្ជាក់របស់ Void លើវិបសាយរបស់ខ្លួន។

បើតាមការរៀបរាប់លើវិបសាយផ្ទាល់របស់ក្រុមហ៊ុនបច្ចេកវិទ្យា Void បានឱ្យដឹងថា ឧទ្យានហ្គេមអេឡិចត្រូនិកនេះគ្រោងនឹងបើកដំបូងគេបង្អស់នៅរដ្ឋ Utah សហរដ្ឋអាមេរិកដើមឆ្នាំ ២០១៦ ហើយបន្ទាប់ពីនោះគឺនៅអាស៊ី អឺរ៉ុប និងអូស្ត្រាលី៕

វីដេអូ៖