វីដេអូថ្ងៃរៀបការរបស់ Chompoo និងសេដ្ឋីថៃ

2015-05-11 16:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងរូបស្រស់ Araya A Hargate ឬ Chompoo និងសេដ្ឋីថៃ Nott Witsarut បានភ្ជាប់ពាក្យជាមួយគ្នា កាលពីថ្ងៃទី៦ ខែឧសភា ឆ្នាំ២០១៥ ខណៈពិធីមង្គលការរបស់ពួកគេ បានធ្វើឡើងហើយ នៅថ្ងៃម្សិលមិញ។

ពិធីមង្គលការដ៏ឱឡារិក កម្រមានក្នុងពិភពអ្នកសិល្បៈ របស់អ្នកទាំងពីរ ធ្វើឡើងនៅសណ្ឋាគារ Plaza Athénée Bangkok ប្រទេសថៃ ដោយមានភ្ញៀវចូលរួម យ៉ាងច្រើនកុះករ។

ទោះបីជាយ៉ាងណា មិនទាន់មានព័ត៌មានលំអិត និងរូបភាពនៃពិធីជ័យ របស់តារាវ័យ៣៣ឆ្នាំ និងសេដ្ឋីវ័យ៣៨ឆ្នាំនៅឡើយទេ តែខាងក្រោមនេះ ជារូបភាពនិងវីដេអូ ដែលពួកគេបង្ហាញស្នាមថើប ដ៏ផ្អែមល្ហែមនៅសន្និសីទកាសែតមួយ និងពេលកាន់ដៃគ្នាទទួលភ្ញៀវ។

https://www.youtube.com/watch?v=rh48z99p6NE&feature=youtu.be

គួរបញ្ជាក់ថា គ្រាន់តែពិធីភ្ជាប់ពាក្យរបស់ Chompoo បានធ្វើឱ្្យបណ្ដាអ្នកសិល្បៈ និងសារព័ត៌មានភ្ញាក់ផ្អើល និងត្រូវបានគេចាត់ទុកថា ជាពិធីដ៏ធំមួយកម្រមាន ក្នុងពិភពសិល្បៈថៃ ក្នុងឆ្នាំ២០១៥នេះ។ ក្នុងថ្ងៃនោះ Chompoo ទទួលបានថ្លៃទឹកដោះ ជាង៣លានដុល្លារ ប្រាក់មួយចំនួនផ្សេងទៀត ចិញ្ចៀនពេជ្រ៨,៨ការ៉ាត់ គ្រឿងអលង្ការ និងផ្ទះមួយខ្នង តម្លៃជាង១លានដុល្លារអាមេរិក។ មិនតែប៉ុណ្ណោះ ស្វាមីរបស់នាង បានប្រើរថយន្តស៊េរីទំនើប ម៉ាក Mercedes-Benz របស់អាល្លឺម៉ង់ចំនួន១០គ្រឿងដង្ហែក្បួន ផ្អើលពេញប្រទេសថៃ។

សម្រាប់ព័ត៌មានបន្ថែម Sabay នឹងធ្វើការផ្សាយជូននៅពេលក្រោយ៕

តារាថៃChompoo ភ្ជាប់ពាក្យជាមួយមហាសេដ្ឋីគ្រាន់ថ្លៃទឹកដោះជាង៣លានដុល្លារ

វីដេអូនិងរូបភាពពិធីភ្ជាប់ពាក្យដ៏អស្ចារ្យរបស់តារាសម្ដែងថៃ Chompoo

ប្រែសម្រួល៖ អ៊ុំ សុភក្តិ ប្រភព៖ bangkokpost