១០ចំណុច ដើម្បីស្វែងរកស្នេហាថ្មី បន្ទាប់ពីខូចចិត្ត

2015-05-17 18:37:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់អ្នកដែលជួបស្នេហាខកបំណង អាចនឹងមានការខ្លាចរអាទៅលើស្នេហា ឬអាចនឹងអស់ជំនឿរឿងស្នេហាទៀត ប៉ុន្តែយ៉ាងណាក្ដីអតីតកាលពិតមិនអាចរស់នៅជាមួយយើងរហូតនោះទេ។ បើអ្នកត្រៀមខ្លួនរួចរាល់ ចង់បានស្នេហាថ្មីម្ដងទៀត ១០ចំណុចខាងក្រោមនេះ អាចនឹងជួយឲ្យលោកអ្នកឆាប់រកបានដៃគូ យ៉ាងងាយស្រួល៖

រូបតំណាង

១. បើកបេះដូង៖ អ្នកមិនអាចស្វែងរកស្នេហាបានទេ បើអ្នកមិនព្រមបើកបេះដូង។ អ្នកអាចនឹងខ្លាចឈឺម្ដងទៀត ប៉ុន្តែអ្នកត្រូវតែហ៊ានប្រថុយ។

២. បើកចិត្តឲ្យទូលាយ៖ អ្នកគួរតែរៀនបើកចិត្តឲ្យទូលាយ ដើម្បីសម្លឹងមើលទង្វើអ្នកថ្មី ហើយកុំគិតចង់បានអ្នកល្អឥតខ្ចោះ ដូចចិត្តរបស់អ្នកត្រូវការ។ ជាពិសេសគឺមិនត្រូវ ប្រៀបធៀបអ្នកថ្មី ទៅនឹងទង្វើល្អរបស់អ្នកចាស់ឡើយ។

៣. សម្របសម្រួលគ្នាទៅវិញទៅមក៖ បើអ្នកចង់បានទំនាក់ទំនងល្អជាមួយដៃគូ អ្នកត្រូវតែចេះសម្របសម្រួល ដល់ឥរិយាបថរបស់គ្នាទៅវិញទៅមក ព្រោះថាគ្មាននរណាម្នាក់ល្អឥតខ្ចោះនោះទេ ហើយបើអ្នកចង់បានដៃគូឥតខ្ចោះ អ្នកនឹងនៅឯការហូត។

៤. កុំយល់ព្រមគ្រប់រឿងពេក៖ អ្នកអាចសម្របសម្រួលគ្នា ប៉ុន្តែក៏មិនមានន័យថា អ្នកត្រូវយល់ព្រមគ្រប់ទង្វើរបស់គេទាំងអស់ ទាំងដែលខ្លួនឯងមិនចូលចិត្តសោះនោះទេ។ ដូច្នេះអ្នកមិនត្រូវយល់ព្រមបើកបេះដូងទៅឲ្យមនុស្សណា ដែលអ្នកជឿថា គេគ្មានចិត្តស្មោះ ឬមនុស្សដែលអ្នកមិនស្រលាញ់ឡើយ។

៥. ត្រូវចេះប្រាកដនិយម៖ ស្នេហាមិនមែនចេះតែផ្អែមល្ហែមដូច ផ្កានិងឃ្មុំទេ។ នេះមានន័យថា ពេលខ្លះ អាចនឹងមានជម្លោះកើតឡើង ដែលធ្វើឲ្យអ្នកខូចចិត្ត តូចចិត្ត ឬយំ។ ដូច្នេះសំខាន់អ្នកទាំងពីរត្រូវចេះទទួលស្គាល់ការពិត និងចេះអធ្យាស្រ័យឲ្យគ្នាទៅវិញទៅមក។

៦. ចំណាយពេលវេលាជាមួយអ្នកថ្មី៖ ស្នេហាពិតជាសំខាន់ណាស់ ដែលត្រូវតែប្រើពេលវេលាជាមួយគ្នាឲ្យបានច្រើន ដើម្បីបង្កើតអនុស្សាវរីយ៍ ឬអារម្មណ៍ល្អៗជាមួយគ្នា និងអាចទទួលបានអារម្មណ៍ស្រលាញ់គ្នាពិតៗ។

៧. រៀនពីអតីតកាល៖ អ្នកមិនអាចល្អឥតខ្ចោះទេ ដូច្នេះកត្តាសំខាន់គឺត្រូវតែរៀនពីកំហុសឆ្គងពីអតីតកាល។ តើកាលពីពេលមុន អ្នកបានធ្វើអ្វីមិនល្អប៉ះពាល់ដល់គូស្នេហ៍របស់អ្នក? អ្នកត្រូវតែយល់ និងត្រូវតែដឹង។

៨. កុំធ្វើទម្លាប់អាក្រក់ម្ដងទៀត៖ នៅពេលអ្នកដឹងថា អ្នកបានធ្វើអ្វីមិនល្អខ្លះដល់ដៃគូរបស់អ្នកកាលពីមុន អ្នកត្រូវតែជៀសវាងនូវទម្លាប់មិនល្អទាំងនោះ សម្រាប់អ្នកថ្មី។

៩. ជឿជាក់បេះដូងរបស់អ្នក៖ នៅពេលអ្នកជួបអ្នកថ្មីច្រើននាក់ នោះអ្នកប្រាកដជាមិនច្បាស់ក្នុងចិត្តទេថា ម្នាក់ណាជាដៃគូដ៏ស័ក្ដិសមបំផុតសម្រាប់អ្នក។ ដូច្នេះអ្នកត្រូវតែជ្រើសតាមបេះដូងរបស់អ្នក ថាអ្នកត្រូវការនរណា និងស្រលាញ់ម្នាក់ណាមួយពិតមែន។

១០. ទុកចិត្ត និងជឿជាក់លើស្នេហាម្ដងទៀត៖ កត្តាសំខាន់បំផុត ដើម្បីឲ្យអ្នកស្វែងរកស្នេហាថ្មីបានម្ដងទៀតនោះ គឺត្រូវតែទុកចិត្ត និងជឿជាក់លើស្នេហាជាថ្មីម្ដងទៀត។ បើអ្នកនៅតែមិនជឿជាក់ អ្នកប្រហែលជានៅតែមិនអាចស្វែងរក អ្នកដែលអ្នកចង់បានជារៀងរហូត៕

ចុះប្រិយមិត្តយល់ស្រប ឬមានអ្វីចង់បន្ថែមលើចំណុចខាងលើនេះដែរទេ?

-ចុចអាន៖ អ្នកវិទ្យាសាស្ត្រអះអាងថាមានស្នេហាអាចធ្វើឲ្យស្រកទម្ងន់

ប្រែសម្រួល៖ វិន ជីវ័ន្ត ប្រភព៖ YouQueen