iPhone 6/6 Plus លេចមុខនៅវៀតណាម និងចិន មុនថ្ងៃដាក់លក់ជាផ្លូវការ

2014-09-16 16:48:06
ចំនួនមតិ 0 | ចំនួនចែករំលែក 0

ចន្លោះមិនឃើញ

Appleមិនទាន់ទាំងបានដាក់លក់ iPhone 6/6 Plus ជាផ្លូវការផង ស្រាប់តែមានអ្នកប្រើប្រាស់មួយចំនួននៅវៀតណាម និងចិនកាន់សម្ញែងបង្អួតគេឯងព្រោងព្រាតបាត់ទៅហើយ។

សារព័ត៌មានមួយរបស់វៀតណាមឈ្មោះ Dan Tri បានឲ្យដឹងថា iPhone 6/6 Plus ត្រូវបានគេឃើញបុរសម្នាក់ដែលជាភ្នាក់ងារយកការណ៍មួយរបស់សារព័ត៌មាន AP(Associated Press) កាន់បង្អួតគេឯងនៅក្នុងភោជនីយដ្ឋានមួយឈ្មោះ Red River នៅប្រទេសវៀតណាម។ បុរសម្នាក់នោះនិយាយថាលោកបានធ្វើតេស្តមុខងារមួយចំនួនដូចជា Message និង Siri ដើម្បីបញ្ជាក់ថា iPhone ទាំងពីរម៉ូដែលគឺជាផលិតផលពិតរបស់Apple។

ចំណែកឯគេហទំព័រមួយទៀតរបស់ចិនឈ្មោះ MacX ក៏បានបង្ហាញរូបភាព iPhone 6/6 Plus ដែលបានមកពីអ្នកប្រើប្រាស់មួយចំនួន។

កន្លងមក Apple បានដាក់ឲ្យមានការកុម្ម៉ង់ទិញ iPhone 6/6 Plus (នៅថ្ងៃទី១២ សីហា) ហើយក៏បានប្រកាសពីចំនួនកុម្ម៉ង់ទិញរហូតដល់ទៅ៤លានគ្រឿងក្នុងរយៈពេល២៤ម៉ោងដំបូង។ នៅថ្ងៃសុក្រទី១៩ប៉ុន្មានថ្ងៃទៀត Apple នឹងដាក់លក់ iPhone ទាំងពីរម៉ូដែលជាផ្លូវការនៅលើទីផ្សារទូទាំងពិភពលោក៕