សល់៣៨ម៉ោងទៀត ការរៃអង្គាសថវិកាសម្រាប់ព្យាបាលពិការភាពម្យ៉ាងនៅកម្ពុជា ត្រូវបិទបញ្ចប់

2015-05-19 00:58:51
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅសល់តែ៣៨ម៉ោងទៀតប៉ុណ្ណោះ គម្រោងរៃអង្គាសថវិកា ដើម្បីបង្កើតឲ្យមានការព្យាបាលបែប “Speech Therapy” ឬ “ការព្យាបាលពិការផ្នែកទំនាក់ទំនង និងការលេបអាហារ” កើតឡើងលើកុមារកម្ពុជាមួយចំនួន នឹងត្រូវបានបិទបញ្ចប់ហើយ។

ស្វែងយល់ អ្វីទៅជាពិការផ្នែកទំនាក់ទំនង និងការលេបអាហារ

នាង Emma Blint អ្នកគ្រប់គ្រងនៃការរៃអង្គាសថវិការបស់គម្រោង OIC: The Cambodia Project នេះឲ្យដឹងថា OIC កំពុងប្រមូលករណីពិការផ្នែកទំនាក់ទំនង និងការលេបអាហារ កើតឡើងលើកុមារកម្ពុជាមួយចំនួន ដើម្បីដាក់ជូនរដ្ឋាភិបាល និងអង្គការសហប្រជាជាតិបានដឹង និងស្នើឲ្យមានការព្យាបាលបែប Speech Therapy នេះនៅកម្ពុជាដែរ។ ទន្ទឹងនឹងនោះ OIC កំពុងតែធ្វើការរ៉ៃអង្គាសថវិកា ដើម្បីធ្វើការបណ្ដុះបណ្ដាលអ្នកព្យាបាល និងគ្រូបង្រៀនតាមសាលាផងដែរ ប៉ុន្តែការរៃអង្គាសថវិកានេះនឹងបិទបញ្ចប់នៅថ្ងៃស្អែកនេះ។

OIC: The Cambodia Project កំពុងរៃអង្គាសថវិកាចំនួន ២៨០០០ដុល្លារ រហូតដល់ថ្ងៃ១៩ ខែឧសភា ស្អែកនេះ។ ឥឡូវនេះ ថវិកាពីការរៃអង្គាសបានទទួលចំនួន១៨ ៤៧៨ដុល្លារហើយ នៅខ្វះ៩៥២២ដុល្លារទៀត។ សប្បុរសជនដែលមានសទ្ធា អាចបរិច្ចាគតាម OIC: The Cambodia Project ដោយផ្ទាល់ ដើម្បីបញ្ឈប់កុមារ ឬប្រជាជនខ្មែរពីពិការភាពផ្នែកទំនាក់ទំនង និងការលេបអាហារនេះ៕

ស្ដាប់ប្រសាសន៍លោក Weh Yeoh ស្ថាបនិក និងជាអ្នកគ្រប់គ្រង់គម្រោង OIC: The Cambodia Project