ISIS អះអាងថានឹងមានអាវុធនុយក្លេអ៊ែរក្នុងពេលមួយឆ្នាំទៀត
- 2015-05-25 16:31:28
- ចំនួនមតិ 0 | ចំនួនចែករំលែក 0
ISIS អះអាងថានឹងមានអាវុធនុយក្លេអ៊ែរក្នុងពេលមួយឆ្នាំទៀត
ចន្លោះមិនឃើញ
ក្រុមរដ្ឋឥស្លាមជ្រុលនិយម ISIS បានអះអាងថា ពួកគេនឹងឈានដល់ការកាន់កាប់អាវុធនុយក្លេអ៊ែរ ក្នុងរយៈពេលមួយឆ្នាំទៀត តាមរយៈការទិញពីប្រទេសប៉ាគីស្ថាន។ នេះបើតាមរបាយការណ៍ នៅក្នុងទស្សនាវដ្ដីឃោសនាមួយរបស់ ISIS។
របាយការណ៍នៅក្នុងទស្សនាវដ្ដីឃោសនារបស់ក្រុមរដ្ឋឥស្លាមជ្រុលនិយម បានអះអាងថា ពួកគេនឹងកាន់អាវុធនុយក្លេអ៊ែរក្នុងរយៈពេលមួយឆ្នាំទៀត។ គម្រោងរបស់ក្រុមឧទ្ទាមដ៏គ្រោះថ្នាក់នេះ គឺទិញអាវុធនុយក្លេអ៊ែរពីឈ្មួញលក់អាវុធនានា ដែលមានទំនាក់ទំនងជាមួយមន្ត្រីពុករលួយរបស់ប្រទេសប៉ាគីស្ថាន។
ទោះយ៉ាងណា ក្រុម ISIS បានបញ្ជាក់ថា ពួកគេអាចនឹងមានឧបសគ្គខ្លះក្នុងការដឹកជញ្ជូនអាវុធដ៏ធំបែបនេះ ហើយពូកគេអាចនឹងដោះស្រាយដោយការទិញសារជាតិផ្ទុះ អាម៉ូញ៉ាក់នីត្រាតរាប់តោនជំនួសវិញ។
នៅក្នុងអត្ថបទទស្សនាវដ្ដី បានសរសេរបញ្ជាក់ថា ក្រុមរដ្ឋឥស្លាមមានលុយរាប់ពាន់លានដុល្លារក្នុងធនាគារ ដូច្នេះហើយពួកគេបានទាក់ទងបណ្ដាញនៅក្នុងប្រទេសប៉ាគីស្ថាន ឲ្យទិញអាវុធនុយក្លេអ៊ែរ តាមរយៈក្រុមឈ្មួញលក់អាវុធ ដែលមានទំនាក់ទំនងជាមួយនិងមន្ត្រីពុករលួយនានាក្នុងតំបន់នោះ។
ក្រុម ISIS
បច្ចុប្បន្នក្រុមឧទ្ទាមរដ្ឋឥស្លាមជ្រុលនិយមកំពុងបង្កកង្វល់យ៉ាងខ្លាំងដល់បណ្ដាលប្រទេសនានា ជាពិសេសគឺប្រទេសអ៊ីរ៉ាក់ និងស៊ីរី។ ស្ថានភាពកាន់តែតានតឹង បង្ខំឲ្យសហរដ្ឋអាមេរិក ដឹកនាំកម្លាំងសម្ពន្ធមិត្តវាយប្រហារតាមផ្លូវអាកាសបន្តបន្ទាប់ទៅលើក្រុមនេះ ប៉ុន្តែហាក់ដូចជាមិនមានការថមថយកម្លាំងឡើយ។ ប្រសិនបើគម្រោងការណ៍ទិញអាវុធនុយក្លេអ៊ែរបានសម្រេចមែននោះ ពិភពលោកនឹងកាន់តែមានគ្រោះថ្នាក់ ពិសេសសហរដ្ឋអាមេរិក៕
ចុចអាន៖ ISIS កម្ទេចបេតិកភណ្ឌអាយុកាល២ពាន់ឆ្នាំគ្មានប្រណីដៃ
ប្រែសម្រួល៖ គង់ វិសាល ប្រភព៖ news
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
