Vermaelen ថាសុបិនក្លាយជាការពិត ពេលបានចូលលេងឲ្យ Barca

2015-05-25 21:14:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពារ Thomas Vermaelen ដែលផ្ទេរពី Arsenal ទៅកាន់ Barcelona កាលពី១០ខែមុន បាននិយាយថា ខ្លួនពិតជារីករាយខ្លាំងណាស់ ដែលបានចូលលេងឲ្យអ្នកមានបុណ្យ លើកដំបូងរបស់ខ្លួន កាលពីយប់ថ្ងៃសៅរ៍ និងបានបន្ថែមថា វាជាសុបិនក្លាយជាការពិត។

Vermaelen ដែល Barca ទិញពីកាំភ្លើងធំ កាលពីខែសីហា ឆ្នាំ២០១៤ ធ្លាប់និយាយក្នុងថ្ងៃបង្ហាញខ្លួន ពេលទើបទិញមកថា នឹងសម្រាកព្យាបាលរបួសឲ្យជាសះស្បើយសិន ទើបគិតរឿងចូលលេងឲ្យក្រុមបន្ត តែមិននឹកស្មានថា ត្រូវរង់ចាំដល់ការប្រកួតចុងក្រោយនៃរដូវកាលអញ្ចឹងសោះ។

កីឡាករជម្រើសជាតិបែលហ្សិក ដែលរបួសសរសៃពួរ កាលពីប្រកួត World Cup 2014 រូបនេះ បាននិយាយថា៖ "ជាផ្លូវការ ខ្ញុំជាបេក្ខភាពមួយ ឈ្នះពាន ប៉ុន្តែខ្ញុំមិនបានចូលរួមលេងទេ ហើយខ្ញុំមានអារម្មណ៍ថា វាមិនមែនជាពានរង្វាន់របស់ខ្ញុំ។ ប៉ុន្តែយ៉ាងហោចណាស់ ខ្ញុំរីករាយជាមួយក្រុម និងរីករាយជាមួយក្លិប"។

យ៉ាងណាក្ដី កីឡាករវ័យ២៩ឆ្នាំ បានចូលលេងដោយពាក់អាវ Barcelona លើទីលានលើកដំបូងបង្អស់បាន៦៣នាទី នៅកីឡដ្ឋាន Nou Camp អំឡុងពេលប្រកួត Barca ស្មើ ២-២ ទល់នឹង Deportivo កាលពីថ្ងៃសៅរ៍ មុនពេលដូរជំនួសដោយ Douglas។

“ខ្ញុំពិតជារំភើបខ្លាំងណាស់ ដែលបានបង្ហាញខ្លួនលើកដំបូងឲ្យក្រុម ហើយខ្ញុំពិតជារីករាយខ្លាំងមែនទែន ដែលមានឱកាសលេងនៅទីនេះ។ វាជាសុបិនក្លាយជាការពិត ដែលបានមកកាន់ទីនេះ និងបានលេងនៅទីនេះ ជាពិសេសគឺបានលេងជាមួយកីឡាករល្អៗបំផុតរបស់ពិភពលោក"។ Vermaelen បន្ថែម៕

ចុះប្រិយមិត្តយល់ថា Vermaelen អាចជាប់ជម្រើសដំបូងរបស់ក្រុម Barcelona ឬអត់រដូវកាលក្រោយ?

-ចុចអាន៖ Barca ត្រៀម៥០លានផោន ដើម្បីទិញយក Ramsey

ប្រែសម្រួល៖ វិន ជីវ័ន្ត ប្រភព៖ dailymail