Fan ផ្កាប់មុខម្នាក់ឡើងបង្គោលស្តាតកម្ពស់៦ម៉ែត្រដើម្បីមើលការប្រគំតន្ត្រី

2015-05-26 19:01:14
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគាំទ្រស្រីម្នាក់បានប្រថុយជីវិតឡើងបង្គោលស្តាតកម្ពស់ប្រមាណ ៦ម៉ែត្រនៅក្នុងកីឡាដ្ឋាន Hengyang ក្នុងខេត្តហូណានដើម្បីបានមើលការប្រគំតន្ត្រីរបស់តារាចម្រៀងក្នុងដួងចិត្តរបស់នាង។

ការប្រគំតន្ត្រីនោះមានការចូលរួមពីសំណាក់តារាចម្រៀងល្បីៗជាច្រើនដូចជា Joey Yung, Han Lei និង A-Lin។ ដោយហេតុចង់មើលខ្លាំងពេកធ្វើឲ្យនារីមិនស្គាល់អត្តសញ្ញាណម្នាក់ដែលគ្មានសំបុត្រចូលទស្សនារូបនេះសម្រេចចិត្តឡើងលើបង្គោលតែម្ដងទៅ។

រូបថតរបស់fan ផ្កាប់មុខម្នាក់នោះត្រូវបានប្រភពអ្នកលេងក្នុងបណ្ដាញសង្គម Weibo ម្នាក់បង្ហោះនិងបានសរសេរថា៖ "តើវាពិតជាមែនទេគ្រាន់តែទិញសំបុត្រមួយសន្លឹកចូលមើលការប្រគំតន្ត្រី?”

ប្រភពដដែលក៏បានប្រាប់បន្ថែមថា៖ "នារីម្នាក់នោះបានឡើងលើបង្គោលនៅជិតច្រកចូលទី១នៃកីឡាដ្ឋានព្រោះវាជាទីតាំងដ៏ល្អដែលអាចស្ដាប់និងមើលការប្រគំតន្ត្រីយ៉ាងច្បាស់"។ ទោះជាយ៉ាងណាក្ដីអ្នកដែលបានឃើញហេតុការនៅទីនោះក៏បានប្ដឹងហៅប៉ូលិសដើម្បីធ្វើអន្តរាគមន៍ផងដែរ៕