កាល​ពី​ថ្មី​ៗ​នេះ​ ក្រុមហ៊ុន​​ Google ​បាន​ធ្វើ​ការ​ Update​ Youtube​ របស់​ខ្លួន​ ដោយ​អាច​ឲ្យ​​អ្នក​មើល​វីដេអូ​ក្នុង​ Youtube ​បាន​​តាម​រយៈ​ទូរសព្ទ​ស្មាតហ្វូន​ បាន​ដោយ​មិន​ចាំ​បាច់​មាន​អ៊ីនធឺណិត។

ដោយ​សារ​តែ​អ្នក​ប្រើ​ប្រាស់​មួយ​ចំនួន​ជួប​ប្រទះ​បញ្ហា​​រអាក់រអួល​ក្នុង​ការ​មើល​វីដេអូ ​ព្រោះ​តែ​អ៊ីនធឺណិត​មាន​ល្បឿន​យឺត​​ ហេតុ​ដូច​នេះ​ ទើប ​Youtube ត្រូវ​បាន​បង្កើត​នូវ​មុខ​ងារ​មួយ​ ដែល​អាច​ឲ្យ​អ្នក​ទាញ​យក​វីដេអូ​បាន​សម្រាប់​ទុក​មើល​នៅ​ពេល​ក្រោយ។ ​ការ​ Update ​ថ្មី​នេះ​អាច​ឲ្យ​អ្នក​ទាញ​យក​វីដេអូ​បាន​​​គ្រាន់​តែ​ចុច​លើ​ប៊ូតុង​មួយ​ ដោយ​មិន​ទាមទារ​ឲ្យ​មាន​កម្មវិធី​ជំនួយ​ក្នុង​ការ​​​ទាញ​យក​នោះ​ទេ។

***បញ្ជាក់៖ វីដេអូ​មួយ​ចំនួន​មិន​អាច​ធ្វើ​ការ​ទាញ​យក​បាន​នោះ​ទេ។​ ចំពោះ​បញ្ហា​នេះ​ក៏​មិន​មាន​ការ​បក​ស្រាយ​ច្បាស់​លាស់​ពី​សំណាក់​ក្រុម​ហ៊ុន Google ដែរ។

-ទស្សនា​ពី​ការ​ណែ​នាំ​ខាង​ក្រោម​ដើម្បី​ទាញ​យក​វីដេអូ៖

១. ចូល​ទៅ​កាន់​កម្ម​វិធី​ Youtube ​ក្នុង​ទូរសព្ទ​របស់​អ្នក​ រួច​ស្វែង​រក​វីដេអូ​ដែល​អ្នក​ចង់​បាន​ហើយ​​ចុច​លើ​វីដេអូ​នោះ

២.ចុច​លើ​ប៊ូតុង​ Download​ ដែល​នៅ​ខាង​ក្រោម​ផ្នែក​ខាង​ស្ដាំ​នៃ​វីដេអូ

៣. ពេល​ដែល​លោត​ផ្ទាំង​មួយ​ចេញ​មក​ ជ្រើស​រើស​គុណ​ភាព​ដែល​អ្នក​ចង់​បាន​ រួច​ចុច​ប៊ូតុង​ OK

- របៀប​ចូល​ទៅ​រក​វីដេអូ​ដែល​អ្នក​ទាញ​យក​មក​

១. ចូល​ទៅ​កាន់​កម្ម​វិធី​ Youtube រួច​ចុច​លើ​ប៊ូតុង​ Menu​ ដែល​នៅ​ខាង​ឆ្វេង​ផ្នែក​ខាង​លើ​

២. បន្ទាប់​មក​ស្វែង​រក​ពាក្យ​ថា​ "Offline”​ រួច​ចុច​លើ​វា​ នោះ​អ្នក​នឹង​ឃើញ​នូវ​វីដេអូ​ដែល​អ្នក​បាន​ទាញ​យក

-ចុច​អាន៖ ៥​វិធី​ជួយ​ឲ្យ​ល្បឿន​ Wi-Fi លឿន​ជាង​មុន

អត្ថបទ៖​ ហៃ​ សុខ​ហេង ប្រភព​៖ tech-recipes