ស្រវឹងស្រាចាប់ត្រីបានជាង១០០ក្បាល ត្រូវប៉ូលិសឃាត់ខ្លួនព្រោះបទល្មើស៥
- 2015-05-28 18:34:12
- ចំនួនមតិ 0 | ចំនួនចែករំលែក 0
ស្រវឹងស្រាចាប់ត្រីបានជាង១០០ក្បាល ត្រូវប៉ូលិសឃាត់ខ្លួនព្រោះបទល្មើស៥
ចន្លោះមិនឃើញ
ពេលស្រវឹងស្រាមនុស្សមួយចំនួនចាប់ផ្ដើមបញ្ចេញអត្តចរិតប្លែកៗ ខ្លះកាចសាហាវ ខ្លះសប្បាយភ្លេចខ្លួន ឯខ្លះទៀតប្រើអំពើហិង្សាជាដើម។ យ៉ាងណាមិញ បុរសម្នាក់ត្រូវប៉ូលិសឃាត់ខ្លួនដោយសារបទល្មើស៥ បន្ទាប់ពីស្រវឹងខ្លាំងពេក ចាប់ត្រីក្នុងសមុទ្របានជាង ១០០ក្បាល។
ប៉ូលិសបរិស្ថាននៅរដ្ឋ Massachusetts សហរដ្ឋអាមេរិក បានធុំក្លិនត្រី ពេលកំពុងល្បាតនៅព្រែកជីកក្រុង Boston។ ក្រោយមកពួកគេបានប្រទះឃើញអូប័រមួយ ដែលពោរពេញដោយត្រីក្នុងបរិមាណយ៉ាងច្រើន។ នៅក្នុងព្រែកជីកនេះ ចំនួនត្រីសមុទ្រដែលដែលអនុញ្ញាតឲ្យចាប់ មានត្រឹម ៨ក្បាលប៉ុណ្ណោះ ដោយសារខ្លាចការនេសាទហួសហេតុពេក។
ចំពោះត្រីដែលបុរសស្រវឹងស្រាចាប់បាន មានរហូតដល់ ១២២ក្បាល ជាចំនួនដ៏ច្រើនមួយ បើប្រៀបធៀបនឹងអ្នកជំនាញនេសាទផ្សេងទៀត។ បុរសដែលមិនបង្ហាញអត្តសញ្ញាណនេះត្រូវប៉ូលិសធ្វើតេស្តរកឃើញថាមានសារជាតិអាល់កុល និងត្រូវឃាត់ខ្លួនភ្លាមៗ។
បុរសប្រមឹកត្រូវបានចោទប្រកាន់ពីបទល្មើស៥ គឺ ១. ចាប់ត្រីរហូតដល់ ១២២ក្បាល ២. អូប័រពាក់ស្លាកលេខមិនត្រឹមត្រូវ ៣. អូប័រមិនចុះបញ្ជី ៤. បើកអូប័រក្រោមឥទ្ធិពលនៃជាតិស្រវឹង ៥. ចាប់ត្រីដោយគ្មានអាជ្ញាប័ណ្ណនេសាទត្រីទឹកប្រៃរបស់រដ្ឋ Massachusetts។
ទោះយ៉ាងណា ប្រភពមិនទាន់បញ្ជាក់ថា បុរសម្នាក់នេះ ត្រូវជាប់ពន្ធនាគារ ឬពិន័យជាប្រាក់កម្រិតណានោះទេ។ ចំណែកត្រីទាំងអស់ មន្ត្រីប៉ូលិសបានសម្រេចបរិច្ចាគទៅឲ្យអង្គការសប្បុរសធម៌៕
ចុចអាន៖ ជួបគ្រោះថ្នាក់ដេកពេទ្យ ទើបបែកធ្លាយថាមានសង្សារ ១៧នាក់
ប្រែសម្រួល៖ គង់ វិសាល ប្រភព៖ telegraph
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
