ឧបករណ៍បច្ចេកវិទ្យាថ្មី៤ អាចសម្លាប់ជីវិតមនុស្សយ៉ាងសាហាវ

2015-06-04 22:16:27
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចេកវិទ្យាផ្ដល់ផលប្រយោជន៍ដល់មនុស្សជាច្រើនបែប តែទន្ទឹមនឹងនោះវាក៏អាចបង្កឲ្យមានគ្រោះថ្នាក់ដល់ជីវិតយើងផងដែរ។ ដូចនេះយើងគួរតែមានការប្រុងប្រយ័ត្នចំពោះបច្ចេកវិទ្យាទាំង៤ខាងក្រោមនេះដែលអាចធ្វើឲ្យប៉ះពាល់ដល់អាយុជីវិតរបស់យើង៖

១. ឡាស៊ែរ

យើងធ្លាប់បានឃើញការប្រើប្រាស់ឡាស៊ែរនៅក្នុងខ្សែភាពយន្តមួយចំនួន ដែលអាចបាញ់កម្ទេចអ្វីៗបានច្រើនយ៉ាង។ នៅឆ្នាំខាងមុខនេះ កងទ័ពជើងទឹករបស់សហរដ្ឋអាមេរិកនឹងចាប់ផ្ដើមបង្កើតអាវុធឡាស៊ែរ ដើម្បីធ្វើការកម្ទេចនូវកូនយន្តហោះស៊ើបការណ៍របស់ខ្មាំង ហើយមិនយូរមិនឆាប់នោះទេវានឹងក្លាយជាអាវុធមួយដែលអាចបំផ្លាញមនុស្ស។

២. កូនយន្តហោះតូច (Drones) ដ្រូននេះអាចធ្វើការបង្កៃគ្រាប់បែក និងជាកាំភ្លើងខ្លីបាន ដែលជាការគំរាមមួយដល់ជីវិតមនុស្ស។ ដ្រូនរបស់សហរដ្ឋអាមេរិកបានធ្វើការវាយប្រហារគោលដៅនៅក្នុងប្រទេសប៉ាគីស្ថានរយៈពេល៩ឆ្នាំមកហើយ ដែលការប៉ានស្មានចំនួនអ្នកស្លាប់គឺមានប្រមាណពី១៩៦៩ទៅ៣៤៦១នាក់។

៣. រថយន្តដែលបើកដោយខ្លួនឯង ទោះបីជាមានការបញ្ជាក់ថា រថយន្តប្រភេទនេះផ្ដល់សុវត្ថិភាពខ្ពស់ជាងការបើករបស់មនុស្សក៏ដោយប៉ុន្តែគេនៅមានការព្រួយបារម្ភថា រថយន្តនេះអាចបង្កគ្រោះថ្នាក់ដល់អ្នកដំណើរ។ មួយវិញទៀតរថយន្តប្រភេទនេះអាចក៏ក្លាយជាឃាតកសំងាត់ផងដែរ។

៤. ម៉ាស៊ីនព្រីន 3D

ម៉ាស៊ីនព្រីន 3D អាចព្រីនរបស់ប្រើប្រាស់មួយចំនួនបាន។ បើប្រជាជនយកទៅព្រីនអាវុធចេញមកប្រើប្រាស់ នោះភាពចលាចលនឹងកើតមានឡើងក្នុងសង្គមមិនខាន ដោយសារប្រជាជនគ្រាន់តែប្រើអ៊ីនធឺណិត បើព្រីន និងផ្គុំវា ចេញជាអាវុធមួយបាន។