CoCa-Cola បង្ហាញដបថ្មីធ្វីពីស្ករអំពៅ១០០% ជួយកាត់បន្ថយបំពុលបរិស្ថាន

2015-06-05 17:30:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Coca-Cola បានបង្ហាញដបប្រភេទថ្មីដែលត្រូវបានផលិតចេញពីវត្ថុធាតុធម្មជាតិសុទ្ធសាធ និងអាចកែច្នៃឡើងវិញបាន ១០០% នៅក្នុងសន្និសីទ Expo Milano food technology ក្នុងប្រទេសអ៊ីតាលី កាលពីថ្ងៃពុធកន្លងទៅ។

ប្រភេទដបថ្មីដែលក្រុមហ៊ុន Coca-Cola បានបង្ហាញនេះគឺមានឈ្មោះថា PlantBottle ហើយដបប្រភេទនេះគឺត្រូវបានប្រើចាប់តាំងពីឆ្នាំ២០០៩ តែពេលនោះដបនេះបានផលិតដោយលាយផ្សំជាមួយនឹងផលិតផលធម្មជាតិតែ ៣០% ប៉ុណ្ណោះ។ ប៉ុន្តែ PlantBottle ថ្មីក្រុមហ៊ុនបានបញ្ជាក់ថាផលិតចេញពីស្ករអំពៅ ១០០% ហើយដបថ្មីនេះដែរនឹងប្រើនៅលើផលិតផលភេសជ្ជៈ ទឹកផ្លែឈើ តែ និងទឹក។

ក្រុមហ៊ុន Coca-Cola បាននិយាយថា ស្ករអំពៅដែលបានប្រើនេះគឺយកមកពីប្រទេសប្រេស៊ីល ហើយក្នុងវត្ថុធាតុដើមនេះក៏មានផ្ទុកកាកសំណល់ចេញពីដំណើរការផលិតស្ករអំពៅផងដែរ។

ក្រុមហ៊ុនបាននិយាយថា នេះគឺជាកិច្ចសហការគ្នាជាមួយនឹងក្រុមហ៊ុនជីវបច្ចេកវិទ្យាដើម្បីផលិតដបប្លាស្ទិកផលិតចេញពីធម្មជាតិ ១០០% និងកែច្នៃបាន ១០០% ដែរ។

ក្រុមហ៊ុនបានបន្ថែមថា កាលពីឆ្នាំ២០០៩ ខ្លួនបានចែកចាយផលិតផលរបស់ខ្លួនជាមួយនឹងដប PlantBotle ច្រើនជាង ៣៥ ពាន់លាន ប្រមាណជា ៤០ ប្រទេស ហើយការចែកចាយនេះបានជួយកាត់បន្ថយការបំពុលបរិស្ថានដូចជាការបំភាយឧស្ម័នកាបូនិកប្រមាណជា ៣១៩ ០០០ តោនចូលទៅក្នុងបរិយាកាស។ ក្នុងឆ្នាំ ២០២០ ខ្លួននឹងប្រើដប PlantBottles ជំនួសដបដែលផលិតចេញពីឥន្ធនៈហ្វូស៊ីល និងវត្ថុធាតុដើមដែលមិនអាចកែច្នៃឡើងវិញផ្សេងទៀតបានទាំងស្រុង ហើយក៏សង្ឃឹមថានឹងអាចជួយកាត់បន្ថយការបំពុលបរិស្ថានបានកាន់តែច្រើនផងដែរ៕