Ronaldo ជិតចេញខ្សែភាពយន្តរបស់ខ្លួន ចុងឆ្នាំនេះ

2015-06-10 15:37:20
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាឆ្នើមជម្រើសជាតិព័រទុយហ្គាល់ Cristiano Ronaldo របស់ក្លិប Real Madrid បានប្រកាសថា ខ្លួននឹងចេញខ្សែភាពយន្តឯកសារមួយចន្លោះពីខែកញ្ញា ដល់ខែធ្នូខាងមុខនេះ ដើម្បីពិពណ៌នាលំអិតពីជីវិតរយៈពេល១ឆ្នាំរបស់ខ្លួន ដែលបានក្លាយជាកំពូលកីឡាករល្អបំផុតរបស់ពិភពលោក។

Super star របស់ក្រុមស្ដេចស វ័យ៣០ឆ្នាំ នឹងក្លាយជាតួអង្គឯកក្នុងសាច់រឿងនេះ។ ផលិតករខ្សែភាពយន្ត បានលើកឡើងថា វានឹងក្លាយជាភាពយន្តឯកសារដ៏អស្ចារ្យ ដែលនិយាយពីជីវិតរយៈពេល១ឆ្នាំ របស់កំពូលកីឡាករពិភពលោក Ronaldo។

ភាពយន្តថ្មីនេះ នឹងរៀបរាប់ពីរឿងល្អរបស់ Ronaldo នៅរដូវកាល ២០១៤/១៥កន្លងទៅ ដែលបានឈ្នះពាន Fifa Ballon d'Or លើកទី៣ កាលពីខែមករា និងរឿងមិនសូវល្អ ដែលមិនបានជួយក្រុមឲ្យឈ្នះបានពានអ្វីមួយសោះនៅរដូវកាលនេះ ដោយចាញ់គូប្រជែងរបស់ខ្លួន Lionel Messi ផងដែរ។

យ៉ាងណាក្ដី គេនៅមិនទាន់ដឹងច្បាស់ថា សាច់រឿងខាងលើនេះ នឹងមានបញ្ចូលរឿងស្នេហារបស់អតីតតារាក្រុម Manchester United ឬអត់ទេ ខណៈដែលកាលពីខែមករា ខ្សែបម្រើ CR7 បានធ្វើឲ្យកក្រើកបណ្ដាញអ៊ីនធឺណិតម្ដងហើយ បន្ទាប់ពីប្រកាសចែកផ្លូវគ្នាជាមួយនឹងអតីតមិត្តស្រីខ្លួន Irina Shayk៕

-ចុចអាន៖ តម្លៃខ្លួន Messi , Hazard , Ronaldo និងកីឡាករល្បីៗផ្សេងទៀតសម្រាប់ឆ្នាំ២០១៥

ប្រែសម្រួល៖ វិន ជីវ័ន្ត ប្រភព៖ goal