សិស្ស AIS និង Limkokwing ឈ្នះការប្រកួតរចនារូបភាពលើទូរសព្ទ
- 2015-06-12 18:02:47
- ចំនួនមតិ 0 | ចំនួនចែករំលែក 0
សិស្ស AIS និង Limkokwing ឈ្នះការប្រកួតរចនារូបភាពលើទូរសព្ទ
ចន្លោះមិនឃើញ
ឆ្លងកាត់ការវាយតម្លៃពីគណៈកម្មការ និងការដាក់ពិន្ទុពីប្រិយមិត្តតាមហ្វេសបុក និង តាម YouTube យុវសិស្ស ៣ រូបដែលមកពីសាលា AIS និង សាកលវិទ្យាល័យ Limkokwing បានទទួលជយលាភីសម្រាប់កម្មវិធីប្រកួតប្រជែងការរចនារូបភាពលើទូរសព្ទ។
យុវជន ពៅ សុខុម
យុវជន សូ ឧត្តម
យុវជន លី សុផាពិសុទ្ធ
យុវជន ពៅ សុខុម ជាសិស្សនៃអន្តរទ្វីបអាមេរិកកាំងបានជាប់ជយលាភីលេខ ១ និង យុវជនមកពីសាកលវិទ្យាល័យ Limkokwing សូ ឧត្ដម ទទួលជយលាភីលេខ ២។ ចំណែកយុវសិស្សមួយរួបទៀតមកពីសាលា Limkokwing ដូចគ្នាលោក លី សុផាពិសុទ្ធ ទទួលបានជយលាភីលេខ ៣។
កម្មវិធីរចនារូបភាពលើទូរសព្ទដែលរៀបចំឡើងដោយក្រុមហ៊ុន LG តម្រូវឲ្យអ្នកចូលរួមបង្ហាញពីសមត្ថភាពការឌីហ្សាញរូបភាពដ៏ទាក់ទាញជាងគេ ដើម្បីក្លាយជាជយលាភី។
គោលការណ៍សម្រាប់វាយតម្លៃសម្រាប់ជយលាភីគឺ ៥០ ភាគរយពីគណៈកម្មការដោយមើលលើគំនិតច្នៃប្រឌិតការរចនារបស់បេក្ខជន និង ៥០ ភាគរយទៀតសម្រេចទៅលើការបោះឆ្នោតលើចំនួន Like របស់ប្រិយមិត្តតាមរយៈបណ្ដាញសង្គម Facebook និង YouTube។
តាមអ្នករៀបចំការប្រកួតបានឲ្យដឹងថា ការប្រកួតនេះដំបូងតម្រូវឲ្យបេក្ខជនទាំងអស់ត្រូវរចនារូបភាពនៅលើក្រដាស បន្ទាប់មកទើបវាយតម្លៃរកស្នាដៃដ៏លេចធ្លោបំផុតដើម្បីមកប្រកួតប្រជែងគ្នារចនានៅលើទូរសព្ទនៅវគ្គផ្ដាច់ព្រ័ត្រ។ ចុងក្រោយបេក្ខជនចំនួន ៣ រូប បានជាប់ជាជយលាភីនៅវគ្គផ្ដាច់ព្រ័ត្រដោយទទួលបានប្រាក់ប័ណ្ណសរសើរ និង ទូរសព្ទម្នាក់មួយគ្រឿង។
អត្ថបទ៖ ដារ៉ាឆានី
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
