ជម្រុះ Euro៖ Rooney ស៊ុតចុងម៉ោងឲ្យអង់គ្លេសបន្តកំណត់ត្រាឈ្នះរហូត

2015-06-15 14:09:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានក្រុម Wayne Rooney បានស៊ុតបញ្ចូលទីនៅ៤នាទីចុងក្រោយ ជួយឲ្យក្រុមជម្រើសជាតិអង់គ្លេស ឈ្នះ ស្លូវើនៀ ៣-២ យប់មិញនេះ ដើម្បីបន្តកំណត់ត្រាឈ្នះរហូតក្នុងវគ្គជម្រុះ Euro ២០១៦។

ក្រុមម្ចាស់ផ្ទះស្លូវើនៀ បាននាំមុខមុននៅនាទី៣៧ នៃតង់ទី១ ដោយកីឡាករ Milivoje Novakovic ប៉ុន្តែឈានចូលតង់ទី២ Jack Wilshere បានស៊ុតបញ្ចូលទី២គ្រាប់ក្នុងនាទី៥៧ និង៧៤ ដើម្បីឲ្យអង់គ្លេសនាំមុខវិញម្ដង។ សល់តែប្រមាណ៦នាទីចប់ការប្រកួត Nejc Pecnik បានធ្វើឲ្យអ្នកគាំទ្រម្ចាស់ផ្ទះហ៊ោកញ្ជ្រៀវជាថ្មី ដោយបានស៊ុតគ្រាប់តាមស្មើ។

យ៉ាងណាក្ដី អង់គ្លេសមិនបានរបូតកំណត់ត្រាដែលមិនធ្លាប់ចាញ់ ឬស្មើក្នុងវគ្គជម្រុះពូល E នោះឡើយ ក្រោយពីប្រធានក្រុម Rooney អាចស៊ុតគ្រាប់ជ័យជម្នះបានសម្រេចនៅនាទី៨៦។

មួយគ្រាប់នេះ ក៏ធ្វើឲ្យខ្សែប្រយុទ្ធក្រុមបិសាចក្រហម Manchester United រូបនេះ តាមស្មើ Gary Lineker ក្នុងបញ្ជីអ្នកស៊ុតបញ្ចូលទីច្រើនបំផុតក្នុងប្រវត្តិសាស្រ្ដជម្រើសជាតិអង់គ្លេសផងដែរ (៤៨គ្រាប់) នៅចាញ់តែម្ចាស់កំណត់ត្រា Sir Bobby Charlton តែមួយគ្រាប់ប៉ុណ្ណោះ។

លទ្ធផលជម្រុះ Euro ទាំងអស់កាលពីយប់មិញ៖