ចិនរកឃើញដាវបុព្វបុរសសម័យបុរាណនៅកសិករចំណាស់ម្នាក់

2015-06-15 21:30:48
ចំនួនមតិ 0 | ចំនួនចែករំលែក 0

ចន្លោះមិនឃើញ

មន្ត្រីរដ្ឋាភិបាលចិននៅតំបន់ Chengkou ខេត្ត Chongqing បានរកឃើញដាវបុព្វបុរសពីសម័យបុរាណ នៅកសិករចំណាស់ម្នាក់ ដែលគាត់បានប្រើជាកាំបិតក្នុងផ្ទះបាយអស់ជាច្រើនឆ្នាំ។

កសិករវ័យ៦០ឆ្នាំ គឺលោកតា Yi Shouxiang បានរកឃើញដាវនោះកាលពី៥ឆ្នាំមុននៅពេលដែលគាត់ជីកដីស្រែ។ លោកតាមិនបានដឹងថានេះជាដាវបុព្វបុរសនោះទេក៏យកវាទៅសំលៀងប្រើជាកាំបិតហាន់បន្លែក្នុងផ្ទះបាយ។

យោងតាមសារព័ត៌មានPeople's Daily បានឲ្យដឹងថា ដាវសម័យបុរាណមួយនេះស្ថិតក្នុងរជ្ជកាលខ្សែរាជវង្សQing (១៦៤៤-១៩១២) គឺមានអក្សរតំណាងបី "Qing Long Jian" ដែលមានន័យថាដាវនាគខៀវ។ ដោយឡែកដងរបស់ដាវគឺពុំឃើញមានជាប់មកជាមួយនោះទេ។

ដាវមួយនេះត្រូវបានមន្ត្រីរដ្ឋាភិបាលចិន រកឃើញនៅក្នុងភូមិដែលលោកតាកសិករ Yi រស់នៅ ខណៈពេលចុះមកស្វែងរកវត្ថុបុរាណមកដាក់តាំងពិព័រណ៍។ មន្រ្តីរដ្ឋាភិបាលនឹងទាក់ទងឲ្យអ្នកជំនាញមកពិនិត្យនិងវាយតម្លៃដាវបុរាណមួយនេះ៕

ចុចអាន៖ ១២សន្លឹកពីជីវិតតស៊ូរបស់ក្រុមសិល្បៈបុរាណដែលស្ទើរតែសាបសូន្យនៅសម័យទំនើប

ប្រែសម្រួល៖ មាន រតនា ប្រភព៖ shanghaiist