តិចនិកកែទម្លាប់ឲ្យក្រោកពីព្រឹកព្រលឹមបានរាល់ថ្ងៃ
- 2015-06-16 14:52:42
- ចំនួនមតិ 0 | ចំនួនចែករំលែក 0
តិចនិកកែទម្លាប់ឲ្យក្រោកពីព្រឹកព្រលឹមបានរាល់ថ្ងៃ
ចន្លោះមិនឃើញ
សម្រាប់អ្នកមានផ្ទះឆ្ងាយពីសាលា ឬកន្លែងធ្វើការ តែងចង់ឲ្យខ្លួនទម្លាប់ក្រោកពីព្រលឹមដើម្បីទៅរៀន ឬក៏ទៅធ្វើការឲ្យទាន់ម៉ោង ឬធ្វើកិច្ចការមួយចំនួនបានសម្រេច។ មានវិធីមួយចំនួន ធ្វើឲ្យអ្នកក្រោកពីព្រលឹមដោយខ្លួនឯង និងទៀងទាត់ក៏ថាបាន។ សាកល្បងវិធីខាងក្រោមលមើល៍៖
១. កែទម្លាប់មុនពេលចូលគេងបន្តិចម្ដងៗ ចូលគេងមុន១៥នាទីនៃទម្លាប់គេងធម្មតា រួចដាក់ម៉ោងរោទ៍១៥នាទីមុនភ្លឺជារៀងរាល់ថ្ងៃ។ ធ្វើបែបនេះបន្តិចម្ដងៗអាចឲ្យអ្នកកែទម្លាប់គេងស្ពឹក និងក្រោកពីព្រលឹមបានរហ័ស។
២. លៃពេលគេងឲ្យគ្រប់គ្រាន់ គេងឲ្យបានឆ្អែតគ្រប់គ្រាន់ក៏ជាកត្តាមួយដែលជួយឲ្យឆាប់ភ្ញាក់ពីព្រលឹមបាន។ នៅវ័យជំទង់ គឺតម្រូវឲ្យគេងពី៧ទៅ៩ម៉ោង ដូចនេះបើចង់ក្រោកពីម៉ោង៦ព្រឹក គួរលៃពេលចូលគេងយ៉ាងណាឲ្យកុំឲ្យលើសពីម៉ោង១០យប់ ពោលគឺជួយឲ្យឆាប់ក្រោកពីព្រលឹមបាន។
៣. រៀបចំកន្លែងគេងឲ្យស្អាត
កន្លែងគេងស្អាតក៏ជាផ្នែកសំខាន់មួយដែលជួយឲ្យក្រោកពីព្រលឹមបានយ៉ាងស្រស់ស្រាយ។ រៀបចំកន្លែងគេងឲ្យស្អាត មានផាសុខភាពជួយឲ្យគេងលក់ស្កប់ស្កល់ និងឆាប់ភ្ញាក់ពីព្រលឹម។
៤. កំណត់ម៉ោងនាឡិការោទ៍ដោយឆ្លាតវៃ
កំណត់ម៉ោងនាឡិការោទ៍ រួចដាក់ឲ្យឆ្ងាយពីកន្លែងគេងបន្តិច បែបនេះត្រូវក្រោកទៅចុចបិទសំឡេងរោទ៍ និងធ្វើឲ្យអ្នកស៊ាំ និងការងើបពីព្រលឹម។
៥. រំលឹកអំពីអ្វីដែលត្រូវធ្វើពេលព្រលឹម
រំលឹកពីអ្វីដែលចាំបាច់ធ្វើ ឬអ្វីជំរុញឲ្យឆាប់ក្រោកពីព្រលឹម ដូចជា "ខ្ញុំត្រូវហាត់ប្រាណ" “ខ្ញុំត្រូវមើលមេរៀន" ជាដើម។
៦. គេងថ្ងៃមួយស្របក់ ចំណាយពេលពី២០ទៅ៣០នាទីគេងនៅពេលថ្ងៃមួយស្របក់ ជួយឲ្យឆាប់ក្រោកពីព្រលឹមដោយពុំអស់កម្លាំង។
៧. ញ៉ាំទឹកឬភេសជ្ជៈក្រោយពេលភ្ញាក់ ក្រោយពេលភ្ញាក់ពីព្រលឹម គួរញ៉ាំទឹកត្រជាក់មួយកែវ ឬទឹកក្រូចឆ្មារ ដើម្បីឲ្យស្វាងពីគេង ឆាប់ក្រោក និងមានអារម្មណ៍ស្រស់ថ្លា៕
ប្រែសម្រួល៖ មាន រតនា ប្រភព៖ ideadigezt