Mark Zuckerberg ផ្ដល់៥លានដុល្លារ ដើម្បីជួយជនអន្តោប្រវេសន៍នៅអាមេរិកបានចូលសាលា

2015-06-18 17:27:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធាន Facebook លោក Mark Zuckerberg បានផ្ដល់ជំនួយ៥លានដុល្លារអាមេរិកដល់មូលនិធិមួយមានឈ្មោះថា TheDream.US ដើម្បីជួយដល់ជនអន្តោប្រវេសន៍ក្មេងៗមករស់នៅអាមេរិកដែលគ្មានសមត្ថភាពចូលសាលារៀន។

លោក Mark Zuckerberg បានប្រកាសកាលពីម្សិលមិញថា៖ "នៅអាមេរិករកឃើញមានប្រជាជនរស់នៅអន្តោប្រវេសន៍ច្រើនណាស់។ យើងនឹងផ្ដល់ឱកាសដល់ក្មេងៗណាដែលមានសមត្ថភាពនិងខំប្រឹងរៀនសូត្រគ្រប់សញ្ជាតិទាំងអស់ឱ្យបានចូលសាលា ដើម្បីសាងអនាគត។ ខ្ញុំសង្ឃឹមថាចំនួនទឹកប្រាក់ដ៏ស្ដួចស្ដើងរបស់ខ្ញុំនេះនឹងអាចជួយដល់ពួកគេបានខ្លះ”។

ចំនួនទឹកប្រាក់៥លានដុល្លាររបស់សេដ្ឋីវ័យក្មេងខាងលើនេះ នឹងអាចជួយដល់យុវជនច្រើនជាង៤០០នាក់នៅ San Francisco ដើម្បីឱ្យពួកគេអាចចូលរៀននៅមហាវិទ្យាល័យបាន ព្រោះថាសិស្សដែលចូលរៀនតាមមូលនិធិ TheDream.US ត្រូវចំណាយតែ២៥ ០០០ដុល្លារប៉ុណ្ណោះក្នុងរយៈពេល៤ឆ្នាំនៅមហាវិទ្យាល័យធម្មតាឬក៏អាចច្រើនជាងនេះបន្តិចបន្តួចប៉ុណ្ណោះ។

អ្នកបង្កើតបណ្ដាញសង្គម Facebook ដ៏ល្បីល្បាញខាងលើនេះ ចាប់ផ្ដើមជួយដល់យុវជនអន្តោប្រវេសន៍ឱ្យចូលរៀនតាមរយៈមូលនិធិនានានេះ តាំងពីឆ្នាំ២០១៣មក ហើយរហូតមកដល់ពេលនេះរូបគេបានជួយដល់ក្មេងៗមិនតិចនាក់នោះទេ ៕

ចុចអាន៖រូបភាពដ៏កម្ររបស់ Mark Zuckerberg នៅមុខអង្គរវត្ត

ប្រែសម្រួល៖ មុន្នី រម្យ ប្រភព៖ time