យកក្រពើជ័រដាក់កន្លែងដក់ទឹក ដើម្បីឲ្យអាជ្ញាធរដោះស្រាយបញ្ហាផ្លូវខូច
- 2015-06-20 00:21:06
- ចំនួនមតិ 0 | ចំនួនចែករំលែក 0
យកក្រពើជ័រដាក់កន្លែងដក់ទឹក ដើម្បីឲ្យអាជ្ញាធរដោះស្រាយបញ្ហាផ្លូវខូច
ចន្លោះមិនឃើញ
វិចិត្រករម្នាក់បានយកក្រពើជ័រមកដាក់នៅលើជង្ហុកផ្លូវនៃទីក្រុង Bangalore នៃប្រទេសឥណ្ឌា ក្នុងគោលបំណងស្នើសុំឲ្យអាជ្ញាធរដោះស្រាយបញ្ហាផ្លូវខូច។
បុរសជនជាតិឥណ្ឌា វ័យ៣៦ឆ្នាំ ឈ្មោះ Baadal Nanjundaswamy រូបនេះបានយកក្រពើជ័រដ៏ធំដូចក្រពើមែនទែន មកដាក់កណ្ដាលផ្លូវ Sulthanpalya ដោយបានច្នៃត្រង់កន្លែងជង្ហុកផ្លូវខូចនោះទៅជាទស្សនីយភាពបឹងក្រពើ។ គោលបំណងដែលធ្វើបែបនេះឡើង គឺដើម្បីអំពាវនាវសុំឲ្យអាជ្ញាធរយកចិត្តទុកដាក់លើបញ្ហាផ្លូវខូច និងបំពង់លូស្តុកទឹកដែលបានបែកកាលពី១ខែកន្លងទៅ។
អ្នករស់នៅតំបន់នោះបានឲ្យដឹងថានេះមិនមែនជាលើកទីមួយទេ ដែលលោក Nanjundaswamy ធ្វើបែបនេះ។ កាលពីឆ្នាំមុន វិចិត្រកររូបនេះបានច្នៃបំពង់លូនៅទីក្រុង Bangalore ទៅជាមាត់នៃទេវ Yamaraj (យមរាជ) ដែលមានន័យថាបំពង់នៃសេចក្ដីស្លាប់។
អ្នកធ្វើដំណើរតាមផ្លូវមានភាពភ្ញាក់ផ្អើលនៅពេលឃើញទិដ្ឋភាពបែបនេះ។ យ៉ាងណាក្ដី អ្វីដែល Nanjundaswamyធ្វើ បានទាក់ទាញចំណាប់អារម្មណ៍អាជ្ញាធរក្រុង Bangalore ឲ្យយកចិត្តទុកដាក់ចំពោះបញ្ហានេះឡើងវិញផងដែរ៕
ប្រែសម្រួល៖ មាន រតនា ប្រភព៖ indianexpress