តាមពិតប្រុសស្អាតលក់តៅហ៊ូ គឺជាតារាម៉ូដែលម្នាក់

2015-06-23 22:53:17
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ ហាងតៅហ៊ូតូចមួយនៅតៃវ៉ាន់ បានល្បីសុះសាយយ៉ាងខ្លាំង បន្ទាប់ពីអតិថិជនឃើញអ្នកលក់ប្រុសរូបសង្ហានៅក្នុងហាង។ ក្រោយរូបភាពចែកចាយពេញបណ្ដាញសង្គមរួចមក មនុស្សជាច្រើនព្យាយាមស្វែងរកការពិត ទាក់ទងនឹងប្រុសស្អាតលក់តៅហ៊ូ ហើយទើបធ្លាយថារូបគេជាតារាម៉ូដែលម្នាក់។

សារព័ត៌មាន shanghaiist បានចុះផ្សាយនៅថ្ងៃនេះថា ប្រុសស្អាតលក់តៅហ៊ូមានឈ្មោះពិត Yi Tin Chen ជាតារាម៉ូដែលម្នាក់ និងជាអតីតប្រធានក្រុមបាល់បោះប្រចាំវិទ្យាល័យដែលលោកធ្លាប់រៀន។ បច្ចុប្បន្នបុរសសង្ហាវ័យ ២៦ឆ្នាំរូបនេះ កំពុងរស់នៅក្នុងក្រុងតៃប៉ិ កោះតៃវ៉ាន់។

មនុស្សជាច្រើនបានធ្វើការប៉ាន់ស្មានថា តាមពិតសកម្មភាពលក់ក្នុងហាងតៅហ៊ូ គ្រាន់តែជាការសម្ដែងថតម៉ូដែលតាមទីសាធារណៈប៉ុណ្ណោះ។ យ៉ាងណាក្ដី ភ្នាក់ងារម៉ូដែលរបស់លោក Yi Tin Chen បានបដិសេធចំពោះពាក្យចចាមអារ៉ាមទាំងនេះ។

អតិថិជនភាគច្រើនជាមនុស្សស្រី នាំគ្នាឈរតម្រង់ជួរចាំទិញ

រហូតមកដល់ពេលនេះ ពុំមានការបញ្ជាក់ពីតារាម៉ូដែលរូបស្រស់ ដែលទៅឈរលក់តៅហ៊ូក្នុងហាងនោះទេ ដូចនេះមូលហេតុដែលរូបគេទៅបង្ហាញភាពភ្ញាក់ផ្អើលនៅទីនោះ ក៏ពុំទាន់លាតត្រដាងនៅឡើយដែរ។ កន្លងមក ធ្លាប់មានពាក្យចចាមអារ៉ាមមួយចំនួនបានលើកឡើងថា រូបគេជាកូនប្រុសរបស់ម្ចាស់ហាងផ្ទាល់តែម្ដង៕