ក្រុម​ហ៊ុន​ Microsoft និង ក្រុម​ហ៊ុន Votiva សហការ​គ្នា​នាំ​ចូល​​​​​​​​​​​​​​​​ប្រព័ន្ធ​កម្មវិធី​ថ្មី Microsoft Dynamics AX ​ដើម្បី​​ផ្តល់​ដំណោះស្រាយ​ដល់​​ការ​ប្រកប​អាជីវកម្ម​នៅ​ក្នុង​ប្រទេស​កម្ពុជា។

លោក Dinh Tien Dung នាយក​ប្រចាំ Votiva Cambodia Ltd បាន​ឲ្យ​ដឹង​ថា Microsoft Dynamics AX ​ផ្តល់​នូវ​​ដំណោះស្រាយ​បញ្ហា​ផ្សេងៗដល់​ស្ថាប័ន​ខ្នាត​មធ្យម​និង​ធំ សម្រាប់​អាជីវកម្ម​ដែល​មាន​ច្រើន​សាខា​ និង​ស្ថាប័ន​លំដាប់​អន្តរជាតិ។ ដំណោះ​ស្រាយ​របស់ Microsoft​ Dynamics ​ផ្ដល់​អោយ​តាមរយៈ​ដៃគូ​នៃ​ការ​លក់​លំដាប់​ថ្នាក់​ពិភពលោក​ ​ក្នុង​ការ​ផ្ដល់​សេវាកម្ម និង​ការ​ច្នៃប្រឌិត​បន្ថែម​ទៀត​ដើម្បី​ជួយ​ដល់​អតិថិជន​ក្នុង​វិស័យ​ ឧស្សាហកម្ម​មាន​ការ​រីកចម្រើន។

លោក​បន្ត​ថា​ Microsoft Dynamics AX ​មាន​លក្ខណៈ​ស្រដៀង​គ្នា​ទៅ​នឹង​ Microsoft software ​ដែល​អាច​អោយ​ប្រិយមិត្ត​បង្កើត​ឱកាស​អាជីវកម្ម​ព្រម​ទាំង​ជំរុញ​អោយ​អ្នក​ប្រើប្រាស់​មាន​ការ​ចូលរួម នឹង​បង្កើត​គំនិត​ច្នៃ​ប្រឌិត​សម្រាប់​ស្ថាប័ន​ទំាង​មូល​ផង​ដែរ។

Microsoft Dynamics AX ជា​កម្មវិធី​ដែល​ត្រូវ​បាន​គេ​ទទួល​ស្គាល់​ជា​អន្តរជាតិ សម្រាប់​ដំណោះ​ស្រាយ​អាជីវកម្ម​ព្រម​ទាំង​មាន​សមត្ថភាព​ក្នុងការ​គ្រប់គ្រង​ផ្នែក​ហិរញ្ញវត្ថុ , ខ្សែ​សង្វាក់​ផលិតកម្ម , ការ​គ្រប់គ្រង​អតិថិជន, ការ​គ្រប់គ្រង​ធនធាន​មនុស្ស​ព្រម​ទាំង​មុខងារ​សំខាន់ៗ​ផ្សេង​ទៀត​របស់​អាជីវកម្ម។ Microsoft Dynamics ផ្តល់​ភាព​ងាយស្រួល​ក្នុង​កែ​សម្រួល​ពី​កម្មវិធី ERP និង​ CRM​ ​និង​អ្នក​ប្រើប្រាស់​សម្រេចចិត្ត​បាន​យ៉ាង​លឿន​ដើម្បី​ឆ្លើយ​តប​ទៅ​នឹង​ការប្រែប្រួល​របស់​ទីផ្សារ។

​

Votiva ជា​ក្រុមហ៊ុន​ផ្ដល់​សេវាកម្ម​ Microsoft Dynamics ERP និង​ CRM ប្រចាំ​អាស៊ីអាគ្នេយ៍។ ហើយ Votiva ​ចាប់​ផ្ដើម​ដំណើរការ​ក្នុង​ឆ្នាំ ២០០៧​ ហើយ​គ្រប់គ្រង​ដោយ​ក្រុមហ៊ុន​ពិគ្រោះ​យោបល់​ដា​ណឺ​ម៉ាក ដែល​ផ្ដោត​សំខាន់​ក្នុង​ការ​អនុវត្តន៍​ Microsoft Dynamic​ ក្នុង​ការ​ស្វែង​រក​ដំណោះ​ស្រាយ​អាជីវកម្ម​អោយ​សមស្រប​ទៅ​នឹង​ទីផ្សារ​ក្នុង​តំបន់​អាស៊ីអាគ្នេយ៍។ ដូចនេះ​ទើប​ក្រុមហ៊ុន​ Votiva ត្រូវ​បាន​ក្រុមហ៊ុន Microsoft ជ្រើសរើស​ជា​ដៃ​គូ​ដើម្បី​ចែក ចាយ​និង​ប្រតិបត្តិ​ការណ៏ Microsoft Dynamics ERP , CRM​ នៅ​ទីផ្សារ​អាស៊ី​អាគ្នេយ៍ ។

ដោយ៖ ដារ៉ាឆានី