Samsung កំពុងផលិតថ្មថ្មី កាន់ភ្លើងបានយូរជាង២ដង ធៀបនឹងថ្មបច្ចុប្បន្ន

2015-06-29 17:37:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមស្រាវជ្រាវរបស់ Samsung បានប្រកាសកាលពីថ្ងៃទី២៥ កន្លងទៅថា ខ្លួនបានធ្វើការផលិតនូវបច្ចេកវិទ្យាថ្មីមួយអាចបន្ថែមថាមពលថ្មយូរជាងពីរដង បើធៀបទៅនឹងថាមពលថ្មដែលកំពុងប្រើលើ Smartphone ពេលបច្ចុប្បន្ន។

យោងតាមសារព័ត៌មានដែលបានចុះផ្សាយលើគេហទំព័រ Nature បានឲ្យដឹងថា ក្រុមការងារ R&amp របស់ Samsung បានប្រើវត្ថុធាតុអាណូតសីលីកូន និងពង្រីកនូវទ្រនាប់ Graphene ដែលស្ថិតនៅផ្នែកខាងលើនៅថ្មលីចូម-អ៊ីយ៉ុង ដើម្បីបង្កើនដង់ស៊ីតេ និងអាយុកាលថាមពលថ្ម។

បន្ទាប់ពីការស្រាវជ្រាវក្រុមការងារបានសន្និដ្ឋានថា បច្ចេកវិទ្យាថ្មីនេះនឹងធ្វើឲ្យប្រភេទថ្ម លីចូម-អ៊ីយ៉ុងថ្មីនេះ អាចបង្កើនថាមពលថ្មលើសពីពីរដង បើប្រៀបជាមួយថ្មដែលកំពុងប្រើបច្ចុប្បន្ន។ នៅក្នុងការពិសោធន៍បានឲ្យដឹងថា បច្ចេកវិទ្យាថ្មដែលពួកគេបានបង្កើតនោះ គឺអាចប្រើបានយូរជាងពី១,៥ ទៅ១,៨ ជាងថ្មបច្ចុប្បន្ន។ មានន័យថា បើថ្ម Smartphone ជាមធ្យមប្រើបាន១២ម៉ោង ដូច្នេះថ្មប្រភេទថ្មីនេះនឹងប្រើដល់២១ម៉ោងក្នុងការសាកម្ដង។

ប៉ុន្តែចំពោះបច្ចេកវិទ្យាថ្មប្រភេទថ្មីនេះ គឺនៅស្ថិតក្នុងគម្រោងស្រាវជ្រាវតែប៉ុណ្ណោះ ដូច្នេះវានឹងមិនអាចនឹងដាក់នៅលើ Galaxy Note 5, Samsung Galaxy S7 ឬ Smartphone ដ៏ទៃទៀតទេក្នុងឆ្នាំនេះ ដោយវាត្រូវបានចំណាយពេលច្រើនឆ្នាំទៀត ក្នុងការតេស្ដឲ្យបានជោគជ័យមុនពេលដែលត្រូវបានដំណើរការនៅលើទីផ្សារ៕

អានបន្ត៖ មូលហេតុចឹងសោះ ដែលមនុស្សគ្រប់រូបមិនគួរប្រើទូរសព្ទពេលកំពុងសាកថ្ម

ប្រែសម្រួល៖ សំនៀង ប្រភព៖ thenextdigit