គ្រាន់តែស្រែក Messi Messi អាចជួយជីវិតមនុស្សម្នាក់បាន

2015-06-29 23:51:52
ចំនួនមតិ 0 | ចំនួនចែករំលែក 0

ចន្លោះមិនឃើញ

និស្សិតសិក្សាផ្នែកកសិកម្មជនជាតិអាហ្សង់ទីនម្នាក់ឈ្មោះ Santiago Lopez Menendez ត្រូវបានគេចាប់ខ្លួនក្នុងប្រទេសនីហ្សេរីយ៉ា ប៉ុន្តែដោយសារតែរូបគេនិយាយពាក្យ Messi ៣ដងទើបអាចរួចខ្លួនមកវិញ។

លោក Santiago Lopez Menendez បានចុះទៅសិក្សាស្រាវជ្រាវផ្នែកកសិកម្មនៅប្រទេសនីហ្សេរីយ៉ា ហើយក៏ត្រូវគេចាប់ខ្លួនដោយសារតែឃើញមុខមាត់របស់និស្សិតវ័យ២៨ឆ្នាំរូបនេះ ស្មានតែជាជនជាតិអាមេរិក។ បន្ទាប់ពីចាប់ខ្លួន Menendez មិនដឹងប្រាប់ពួកអ្នកចាប់រូបគេថាមិចទេ ដើម្បីឱ្យពួកទាំងនោះដឹងថាលោកជាជនជាតិអាហ្សង់ទីន ព្រោះជនអស់ទាំងនោះមិនចេះនិយាយភាសាអង់គ្លេស។ គ្រានោះ Menendez ក៏ស្រែកហៅឈ្មោះ Messi ចំនួន៣ដង ទើបពួកគេយល់បានថាបុរសម្នាក់នេះជាជនជាតិអាហ្សង់ទីន ហើយក៏ដោះលែងរូបគេវិញទៅ។

នីហ្សេរីយ៉ាសម្បូរប្រេងកាត ប៉ុន្តែជាប្រទេសក្រីក្រ ពុំសូវមានច្បាប់ទម្លាប់ ដោយទ្រព្យសម្បត្តិផ្សេងៗរដ្ឋត្រូវបានគ្រប់គ្រងដោយមន្ត្រីពុករលួយ។ កន្លងមកមានការចាប់ខ្លួនជនបរទេសជាច្រើន ដូចជាផលិតករភាពយន្តអាម៉េរិកាំងជាដើម ដោយសង្ស័យថាពួកគេជាអ្នកស៊ើបការណ៍។

ក្រោយពីមកដល់ស្រុកកំណើតវិញ និស្សិតខាងលើនេះបាននិយាយអរគុណចំពោះ Messi រហូត ព្រោះថាឈ្មោះនេះហើយ ដែលអាចជួយជីវិតរបស់គេឱ្យរួចទុក្ខបាន៕

ចុចអាន៖James៖ កុំប្រៀបធៀបខ្ញុំជាមួយ Messi… ព្រោះគាត់មកពីភពក្រៅ

ប្រែសម្រួល៖ មុន្នី រម្យ ប្រភព៖ 101greatgoals, nytimes