Katy Perry ជាប់ជាតារារកចំណូលខ្ពស់បំផុតពី Forbes
- 2015-06-30 17:26:20
- ចំនួនមតិ 0 | ចំនួនចែករំលែក 0
Katy Perry ជាប់ជាតារារកចំណូលខ្ពស់បំផុតពី Forbes
ចន្លោះមិនឃើញ
តារាចម្រៀងស្រីអាមេរិក Katy Perry បានជាប់ជាតារាស្រីដែលរកប្រាក់ចំណូលបានច្រើនជាងគេប្រចាំឆ្នាំដោយយកឈ្នះតារាចម្រៀងប៉ុប Taylor Swift ដែលគ្រងតំណែងនេះកាលពីឆ្នាំមុន។
តារាចម្រៀងវ័យ៣០ឆ្នាំ អាចបង្កើនប្រាក់ចំណូលរបស់ខ្លួនបានដល់ ១៣៥ លានដុល្លារក្នុងរយៈពេល១២ខែចុងក្រោយ ច្រើនជាងចំណូលតារាល្បី Taylor Swift, Miley Cyrus និង Rihanna បូកបញ្ចូលគ្នាទៀត។ នេះបើយោងតាមការផ្សាយរបស់ទស្សនាវដ្ដី Forbes។
ចំនួននៃទឹកប្រាក់នេះមិនត្រឹមតែធ្វើឲ្យនាងក្លាយជាតារាស្រីដែលរកប្រាក់ចំណូលបានច្រើនជាងគេទេ ប៉ុន្តែក៏ធ្វើឲ្យនាងក្លាយជាជនល្បីដែលរកលុយបានច្រើនជាងគេលំដាប់ទីបីនៅលើពិភពលោកបន្ទាប់ពីកំពូលអ្នកប្រដាល់អាមេរិក Floyd Mayweather និងកំពូលអ្នកប្រដាល់ហ្វីលីពីន Manny Pacquiao ។
តារាចម្រៀងល្បីឈ្មោះនេះបានបង្ហើបពីភាពជោគជ័យរបស់នាងទៅទស្សនាវដ្ដីមួយថា៖ "ខ្ញុំពិតជាមានមោទនភាពចំពោះតំណែងរបស់ខ្លួនជាថៅកែ ជាមនុស្សម្នាក់ដែលបើកក្រុមហ៊ុនផ្ទាល់ខ្លួន។ ខ្ញុំគឺជាសហគ្រិនមួយរូប... ខ្ញុំមិនចង់រត់គេចចេញពីវាទេ។ ខ្ញុំចង់ចាប់វាឲ្យណែន"។
ចំពោះតារាដែលមានឈ្មោះក្នុងតារាងជនល្បីរកចំណូលបានច្រើនបំផុតទាំង ១០ ក្នុងទស្សនាវដ្ដី Forbes ផ្សេងទៀតរួមមាន One Direction លេខ៤ Garth Brooks លេខ៦ និង Taylor Swift លេខ៨៕
អាន៖ ធ្លាប់ឃើញ Taylor Swift និង Justin Bieber ច្រៀងជាមួយគ្នាទេ?
ប្រែសម្រួល៖ ហេង សុធារិទ្ធិ ប្រភព៖ dailymail, billboard
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
