ក្រសួងវប្បធម៌ត្រៀមជំរុញឲ្យយុវជនចូលរួមក្នុងវិស័យវប្បធម៌ជាតិ
- 2014-09-16 19:12:45
- ចំនួនមតិ 0 | ចំនួនចែករំលែក 0
ក្រសួងវប្បធម៌ត្រៀមជំរុញឲ្យយុវជនចូលរួមក្នុងវិស័យវប្បធម៌ជាតិ
ចន្លោះមិនឃើញ
លោក ជំទាវ ភឿង សកុណា រដ្ឋមន្ត្រីក្រសួងវប្បធម៌នៅព្រឹកនេះ បានអំពាវនាវដល់យុវជនទាំងអស់ ធ្វើយ៉ាងណា ចូលរួមថែរក្សាការពារ និង លើកវប្បធម៌ខ្មែរ ព្រោះពួកគេជាកម្លាំងស្នូលសម្រាប់ប្រទេស ដែលមិនអាចខ្វះបាន ក្នុងកិច្ចអភិវឌ្ឍន៍លើគ្រប់វិស័យ។
សូមចុចអាន៖ ដល់រដូវប៉ូលិសចរាចរណ៍បង្កើនការងារតាមស្តុប
លោក ជំទាវ ភឿង សក្កុណា រដ្ឋមន្រ្តីក្រសួងវប្បធម៌ និង វិចិត្រសិល្បៈ
ថ្លែងបែបនេះ នៅក្នុងពិធីផ្សព្វផ្សាយស្ដីពី ការបង្កើតព្រឹត្តិការណ៍វប្បធម៌យុវជនទូទាំងប្រទេស ដើម្បីត្រៀមអបអរសាទរទិវាវប្បធម៌ជាតិ ៣មីនា លើកទី១៧ ឆ្នាំ២០១៥ ធ្វើឡើងនៅសាលសន្និសីទក្រសួង ក្រោមការចូលរួមពីតំណាងសាកលវិទ្យាល័យរដ្ឋ និងឯកជនចំនួន២១ និងតំណាងភាគីពាក់ព័ន្ធមួយចំនួន។
លោកជំទាវរដ្ឋមន្ត្រីក្រសួងវប្បធម៌ បានសង្កត់ធ្ងន់ថា កម្មវិធីនាព្រឹកនេះ ធ្វើឡើងក្នុងគោលបំណងផ្សព្វផ្សាយព័ត៌មានដល់ភាគីពាក់ព័ន្ធទាំងអស់ ត្រៀមខ្លួនដើម្បីចូលរួមឲ្យផុលផុស សម្រាប់ព្រឹត្តិការណ៍វប្បធម៌ ដែលនឹងមកដល់អំឡុង៥ខែទៀតនេះ។ ជាពិសេស យុវជនទាំងអស់ ក៏ត្រូវត្រៀមខ្លួនបង្កើតនូវស្នាដៃសិល្បៈរបស់ពូកគេក្នុងការប្រកួតប្រជែង ស្របតាមពាក្យស្លោក"បុរាណមិនយឺត សម័យមិនបរទេស"។
ទោះបីជាយ៉ាងណា ក្នុងនាមរដ្ឋមន្ត្រីក្រសួងវប្បធម៌ ដែលមាននិន្នាការអភិវឌ្ឍន៍វិស័យវប្បធម៌តាមរយៈការជំរុញឲ្យយុវជនចូលរួមដូច្នេះ លោកជំទាវបានបើកឱកាសឲ្យសាធារណជន និង អ្នកចូលរួមនៅព្រឹកនេះចូលរួមទិតៀនរិះគន់រាល់សកម្មភាពក្រសួងនាពេលកន្លងមកផងដែរ ដើម្បីស្វែងរកបញ្ហារួម និង ឈានទៅរកដំណោះស្រាយ។ ការអនុវត្តន៍បែបនេះ ធ្លាប់បានទទួលជោគជ័យកាលលោកជំទាវកាន់តួនាទីនៅក្រសួងអប់រំ៕
អត្ថបទ៖ សំ ជំនាញ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
