Valencia ទិញ Negredo ដាច់ពី Man City ក្នុងតម្លៃ២៣,៨លានផោន
- 2015-07-02 20:12:20
- ចំនួនមតិ 0 | ចំនួនចែករំលែក 0
Valencia ទិញ Negredo ដាច់ពី Man City ក្នុងតម្លៃ២៣,៨លានផោន
ចន្លោះមិនឃើញ
ក្លិប Valencia បានព្រមព្រៀងជាមួយ Manchester City ទិញខ្សែប្រយុទ្ធ Alvaro Negredo ដាច់តែម្ដងហើយ ក្នុងតម្លៃខ្លួន២៣,៨លានផោន(៣៦,៣លានដុល្លារ) បន្ទាប់ពីកីឡាកររូបនេះចប់កុងត្រាខ្ចីជើង១រដូវកាលនៅអេស្ប៉ាញ។
Negredo ជាកីឡាករដែល Valencia ខ្ចីជើងពី Man City មកកាលពីរដូវកាលមុន ហើយមួយរដូវកាលនោះ រូបគេរកគ្រាប់បាល់បាន៥គ្រាប់ក្នុងការបង្ហាញខ្លួន៣០ប្រកួត។ ដោយឃើញថាខ្សែប្រយុទ្ធក្រុមជម្រើសជាតិអេស្ប៉ាញរូបនេះលេងល្អ ខាងក្លិប Velencia ក៏សម្រេចដាក់សំណើទិញដាច់ពីក្រុមមេឃខៀវតែម្ដងក្នុងតម្លៃខ្លួនប្រមាណជា២៣,៨លានផោន។ ចំពោះរឿងនេះ Man City ក៏បានប្រកាសជាផ្លូវការយល់ព្រមលក់កីឡាករវ័យ២៩ឆ្នាំរូបនេះឱ្យហើយដែរ។
អតីតកីឡាករ Sevilla ខាងលើនេះជាកីឡាករទី៥ហើយដែល Man City លក់ចេញក្នុងឆ្នាំ២០១៥នេះ បន្ទាប់ពី James Milner ទៅ Liverpool , Micah Richards និង Scott Sinclair ទៅ Aston Villa , Matija Nastasic ទៅលេងនៅ Schalke 04 ៕
ចុចអាន៖Valencia តែងតាំង Phil Neville ជាជំនួយការគ្រូបង្វឹកឈុតធំ
ប្រែសម្រួល៖ មុន្នី រម្យ ប្រភព៖ manchestereveningnews
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
