សាកប៉ុន្មានវិធីនេះមើល៍ ក្រែងសំចៃថ្លៃប្រេងបានខ្លះ

2015-07-10 14:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយថ្ងៃៗចាក់សាំងប៉ុន្មានលីត្រ? គិតជាលុយអស់ប៉ុន្មាន? ធ្លាប់គិតរកវិធីសាស្ត្រកាត់បន្ថយការចំណាយលើថ្លៃប្រេងនេះអត់? ចឹងសាកប៉ុន្មានចំណុចខាងក្រោមនេះ មើលក្រែងបានប្រយោជន៍ខ្លះ៖

១.ចាក់ប្រេងពេលណាល្អ?៖ ពេលយប់ ឬពេលព្រឹកព្រលឹម ជាពេលវេលាល្អបំផុត សម្រាប់ចាក់ប្រេង ព្រោះអាកាសធាតុចុះទាប ប្រេងសាំងមិនហួតដូចចាក់ពេលថ្ងៃក្ដៅ។

២.ជ្រេតម្លៃមុនចាក់៖ តម្លៃពីស្ថានីយ ១ទៅមួយអាចតម្លៃខុសគ្នា។ ដូច្នេះកុំដោយសារតែ ស្ថានីយប្រេងជិត តម្លៃថ្លៃសុខចិត្ត ខ្ជះខ្ជាយ ខ្ជិលជិះ។ តែក៏មិនត្រូវឆ្ងាយពេកដែរ។

៣.គួរមានកាតសមាជិក៖ ដើម្បីទទួលបានការបញ្ចុះតម្លៃខ្លះ (៥-១០%) ពីបណ្ដាស្ថានីយឥន្ធនៈមួយចំនួន ការបង្កើតកាតសមាជិកនៅតាមស្ថានីយមួយចំនួនដូចជា តេលា សូគីម៉ិច ឬកាល់តិចជាដើម។

កាតសមាជិកស្ថានីយឥន្ធនៈតេលា

៤.កុំជិះរហូតដល់អស់ប្រេងពីធុង តែក៏មិនត្រូវពេញហៀរហូរដែរ៖ មិនគួរជិះរហូតហួតប្រេងពីធុងឡើយ។ បើឧស្សាហ៍ជិះរហូតដល់រលត់ នោះម៉ាស៊ីននឹងស៊ីប្រេងជាងមុន។ គួរបង្កើនការយកចិត្តទុកដាក់ និងឧស្សាហ៍មើលកុងទ័រ។ ម្យ៉ាងទៀតក៏ជាគ្រោះថ្នាក់១ដ៏ធំ សម្រាប់អ្នកប្រើម៉ូតូកូនទា (លេខអូតូតូចៗ ដូចជា Scoopy, Today...) ដែលអាចបណ្ដាលឲ្យខូចក្បាលបឺតសាំងពីធុង[តម្លៃក្បាលបឺតអាចចាប់ពី ១០ម៉ឺនរៀលឡើង] ចូលបេន។ តែបើពេញធុងពេក យានយន្តមួយចំនួនអាចឈ្លក់ ម៉ាស៊ីនដំណើរការអត់ស្រួល។

៥.ឥវ៉ាន់មិនចាំបាច់យកចេញទៅ៖ ដឹកធ្ងន់ស៊ីប្រេងច្រើន ជាទ្រឹស្ដីសមាមាត្រ។ ដូច្នេះ បើឥវ៉ាន់មិនចាំបាច់ (ដែលមានក្នុងឡាន) គួរតែយកចេញ ព្រោះអាចសន្សំសំចៃសាំង/ម៉ាស៊ូតដែលចំណាយ យ៉ាងហោចក៏ ១-២%ដែរ។

៦.ឆែកមើលសំពាធកង់៖ បើកង់ធូរ ម៉ាស៊ីនប្រឹងខ្លាំងជាង ធម្មតា។ ប្រឹងខ្លាំង ស៊ីប្រេងច្រើន។

៧.កុំបើកបំបោល៖ កុំជិះកញ្ចក់ រោទិ៍ ងូងងាកៗ ល្បឿនថេរ នៅតែជាមធ្យោបាយសន្សំសំចៃប្រេង។ ពេលបញ្ឆេះកុំតម្លើងល្បឿនកប់ៗ ឬពេលឈប់កុំចាប់ហ្វ្រាំងឈប់ភ្លាមៗ។

៨.ត្រួតពិនិត្យយានយន្តឲ្យទៀងទាត់៖ ឡាន/ម៉ូតូចាស់ ស៊ីប្រេង ពិតជាត្រូវ ប៉ុន្តែមិនមែន ១០០%ទេ ប្រសិនបើយើងថែទាំបានល្អដូចជា ដូរប្រេងម៉ាស៊ីនឲ្យបានទៀងទាត់ សំអាតសំបុកអ៊ែរ ជាដើម នោះក៏ជាផ្នែកមួយជួយសំចៃដែរ។

អាន៖ មានអ្នកប្រាប់Sabay នូវល្បិចពីក្រោយរបរលក់សាំងដប

ដោយ៖ ខ្លាឃ្មុំតូច ប្រភព៖ cudlautosmart

ពាក្យទាក់ទង

ព័ត៌មានអន្តរជាតិ

អត្ថបទពេញនិយម

Iced Latte with Noodle កាហ្វេ លាយមីឆា មីនុយភេសជ្ជៈថ្មី ល្បីនៅឥណ្ឌូនេស៊ី

ការសាកថ្មទូរស័ព្ទតាមរយៈមុខងារ Bypass ជួយឱ្យសុខភាពថ្ម នៅល្អ ប្រើប្រាស់បានយូរអង្វែងជាងមុន

តួអង្គ Spider-Man លោក Tom Holland និង គូស្នេហ៍ ចាប់ដៃគ្នាសម្តែងក្នុងខ្សែភាពយន្តខ្នាតធំ

Pep ការពារ Haaland ក្រោយ១២ប្រកួតចុងក្រោយរកបាន៣គ្រាប់ក្នុងនាមខ្សែប្រយុទ្ធប្រអប់

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

ដឹងទេ តើភាពយន្តខ្មែរណាដែលឈរឈ្មោះដណ្ដើមពានអូស្ការដំបូងគេក្នុងប្រវត្តិសាស្ត្រ?

អត្ថបទថ្មី

នាយករដ្ឋមន្រ្តីកម្ពុជា ជម្រុញបង្កើត Data Centre ដើម្បីរក្សាទុកស្នាដៃស្រាវជ្រាវ របស់ សិស្សនិស្សិត

តំណាងអគ្គនាយកដ្ឋានកីឡា៖ កីឡាករ កីឡាការិនីវូស៊ូទាំងអស់ទោះបញ្ចប់ការប្រកួតថ្នាក់ជាតិហើយក្ដី ត្រូវបន្តខំប្រឹងហ្វឹកហាត់ត្រៀមស៊ីហ្គេមនៅថៃទៀត

យប់មួយនៅ ហុងកុង ៖ មកស្គាល់ Bar ល្បីៗ ទាំង ៥ ផ្តល់នូវបរិយាកាស ពេលរាត្រីដែលមិនអាចបំភ្លេចបាន

Salah កំពុងតែវិលទៅរកកំណត់ត្រាឆ្នាំ២០២២ ដែលខ្លួនធ្លាប់ធ្វើបានជាមួយ Liverpool

ដើរឲ្យគេ Crush ពេញពិភពលោក ចុះនារីក្នុងចិត្តសមាជិក BTS ជាមនុស្សប្រភេទណាខ្លះវិញ?