ចន ច័ន្ទលក្ខិណា ថា បានទៅរកព្រះសង្ឃមែន តែមិនមែនទៅមើលខែ ឆ្នាំ ទេ គឺ....?

2015-07-10 21:33:32
ចំនួនមតិ 0 | ចំនួនចែករំលែក 0

ចន្លោះមិនឃើញ

“ខ្ញុំពិតជាបានទៅរកព្រះសង្ឃមែន តែមិនមែនទៅគន់គូររកមើលពេលវេលាល្អ ដើម្បីរៀបការនោះទេ តែខ្ញុំជូនសង្សារខ្ញុំគឺបង ឡុង ឲ្យព្រះសង្ឃស្រោចទឹកលើករាសីឲ្យតែប៉ុណ្ណោះ”។ អ្នកមេម៉ាយចាយរាង និយាយប្រាប់ Sabay។

ខ្ញុំបានទៅរកលោកឲ្យស្រោចទឹកនៅវត្តមួយកន្លែងស្ថិតនៅជិតភ្នំឧត្ដុង្គ ឲ្យជួយប្រោះព្រំស្រោចទឹកលើករាសីធម្មតាប៉ុណ្ណោះ ហើយមិនបានចាំថាវដ្ដនោះឈ្មោះអីទេ មិនមែនដូចព័ត៌មានមួយចំនួនដែលចេះតែចុះផ្សាយនោះទេ។ តារាបង្ហាញម៉ូដខាងលើក៏បានបន្ថែមផងដែរថា ការរៀបមង្គលការនេះបានកំណត់រួចហើយ គឺនៅពីរឆ្នាំទៀត។

ចំពោះសំនួរថា ហេតុអ្វីបានជាគូស្នេហ៍របស់អ្នកនាងត្រូវបានគេអញ្ជើញទៅថតឲ្យសម្អាងការ ប៉ារ៉ាឌី ជាមួយដែរនោះ ត្រូវពិធីការិនីកម្មវិធី សមាគមជុំមិត្តថា "គេមិនបានអញ្ជើញគាត់ទេ តែខ្ញុំជាអ្នកហៅគាត់ឲ្យមកថតរូបជាក្នុងស្ទូឌីយោពីរ បី សន្លឹកទៅ ព្រោះពីមុនមកមិនធ្លាប់បានថតលក្ខណៈផ្លូវការចឹងទេ ធ្លាប់តែថតលេងតាមទូរសព្ទលេងប៉ុណ្ណោះ។ តែខាងម្ចាស់សម្អាងការចឹងឲ្យគាត់ស្លៀកជាឈុត សម្រាប់ដាក់កាតាឡុកទុកឲ្យមើលតែម្ដងទៅ ហើយថតបានពីរឈុតនឹងគេដែរ។”

កាលពីយប់ថ្ងៃពុធ សប្ដាហ៍នេះ អ្នកនាង ចន ច័ន្ទលក្ខិណា បានបង្ហោះរូបថតកូនកំលោះ - ក្រមុំប៉ុន្មានសន្លឹកលើបណ្ដាញទំនាក់ទំនងសង្គម Facebook ដែលធ្វើឲ្យមហាជនជាច្រើនចាប់អារម្មណ៍ និង បានចោតជាសំណួរថា តើពួកគាត់នឹងរៀបការជាមួយគ្នាឆាប់ៗនេះមែន ហើយនេះជារូបថតមង្គលការរបស់គាត់ឬ ”៕