Man Utd & Chelsea ឈរកំពូលតារាង EPL ១០រដូវកាលចុងក្រោយ

2015-07-20 17:10:06
ចំនួនមតិ 0 | ចំនួនចែករំលែក 0

ចន្លោះមិនឃើញ

គណនី Twitter @TotallyMUFC បានបង្ហោះតារាង English Premier League សរុបពិន្ទុ រយៈពេល១០រដូវកាលចុងក្រោយ គួរឲ្យចាប់អារម្មណ៍មួយ កាលពីម្សិលមិញ ដោយក្នុងនោះឃើញថាក្រុមបិសាចក្រហម Manchester United នៅលេខ១ កំពូលតារាង ខណៈដែលតោខៀវ Chelsea ស្ថិតនៅលេខ២។

Man Utd រដូវកាល២០១៤/១៥

Chelsea រដូវកាល២០១៤/១៥

Man Utd ស្ថិតនៅកំពូលតារាង គឺដោយសារសមិទ្ធផលរបស់អតីតអ្នកចាត់ការ Sir Alex Ferguson ដែលបានជួយឲ្យក្រុមមួយលើកពានជាច្រើន អំឡុងពេលដែលលោកដឹកនាំ ដោយមាន៩០៣ពិន្ទុ ខណៈដែល Chelsea របស់លោក Jose Mourinho ដែលលើកពាន កាលរដូវកាលមុន ចាញ់ Man Utd តែ១ពិន្ទុប៉ុណ្ណោះ មាន៩០២ពិន្ទុ។

យ៉ាងណាក្ដី ក្រោយលោក Sir Alex ចាកចេញពីតំណែង នៅឆ្នាំ២០១៣ ក្រុមបិសាចក្រហម បានធ្លាក់ទម្រង់លេងខ្លាំងនៅរយៈពេល២រដូវកាលចុងក្រោយនេះ ដោយបញ្ចប់ចំណាត់ថ្នាក់លេខ៧ ក្រោមការដឹកនាំរបស់លោក David Moyes និងលេខ៤ ក្រោមការដឹកនាំរបស់លោក Louis van Gaal រដូវកាលមុនទៀត។

Arsenal រដូវកាល២០១៤/១៥

Liverpool រដូវកាល២០១៤/១៥

រីឯក្រុមកាំភ្លើងធំ Arsenal របស់លោក Arsène Wenger ស្ថិតនៅចំណាត់ថ្នាក់លេខ៣ មាន៨១៣ពិន្ទុ ខណៈដែលហង្សក្រហម Liverpool ដែលបច្ចុប្បន្នដឹកនាំដោយលោក Brendan Rodgers ឈរនៅចំណាត់ថ្នាក់លេខ៤ ក្នុងតារាង ដោយមាន៧៥០ពិន្ទុ និងតាមពីក្រោយដោយក្រុម Manchester City និង Tottenham Hotspur៕

សូមមើលតារាងខាងក្រោម៖