ឆន សុវណ្ណរាជ មិនអាចចេញក្រៅបានទេ

2015-07-21 17:05:42
ចំនួនមតិ 0 | ចំនួនចែករំលែក 0

ចន្លោះមិនឃើញ

“តាំងពីបានក្លាយជាគណៈកម្មការក្នុងកម្មវិធីធំៗលំដាប់ពិភពលោកពីរមក ខ្ញុំមិនអាចចេញទៅក្រៅប្រទេសតាមការអញ្ជើញរបស់ស្ព័នស័របានទេ"។ Judge ក្នុងកម្មវិធី Cambodian Idol បានប្រាប់មក Sabay។

រាជ បានបន្តទៀតថា "តាមពិតទៅខ្ញុំមានស្ព័នស័រជាច្រើនបានទាក់ទង និង ធានាឲ្យចេញទៅច្រៀងសម្ដែងនៅបរទេសដែរ តែចាប់តាំងពីជាប់កិច្ចសន្យាធ្វើជា Coach កម្មវិធី The Voice ហើយឥឡូវបានក្លាយជា Judge ក្នុងកម្មវិធី Cambodian Idol ទៀតដូចនេះ គឺមិនអាចមានពេលវេលាទៅក្រៅប្រទេសបានទេ”។

បុរសសម្បូររោមទ្រូងរូបនោះបាននិយាយទៀតថា ដ្បិតតែមមាញឹកធ្វើជាគណៈកម្មការក៏ដោយក៏លោកនៅកំពុងផលិតបទចម្រៀងត្រៀមវាយលុកទីផ្សារក្នុងពេលឆាប់ៗនេះផងដែរ។

“ខ្ញុំបានត្រៀមបទចម្រៀងក្នុងអាល់ប៊ុមថ្មីជាច្រើនដែលត្រៀមចេញក្នុងពេលខាងមុខ ដើម្បីបំបែកភាពស្ងប់ស្ងាត់។”

មួយឆ្នាំជាងចុងក្រោយនេះម្ចាស់បទ "ទីក្រុងគ្មានមេឃ” ហាក់ដូចជាមានភាពជោគជ័យនឹងតួនាទីជាគណៈកម្មការនេះណាស់ ដោយកូនក្រុមរបស់លោកក្នុងកម្មវិធី The Voice បានទទួលជយលាភីក្នុង រដូវកាលទីមួយ។ មិនយូរប៉ុន្មានក្រុមហ៊ុនហង្សមាសក៏បានទិញកម្មវិធីលំដាប់កំពូលមួយទៀតគឺ Cambodian Idol និងបានជ្រើសរើសលោកជា Judge មួយក្នុងចំណោមបួននាក់៕

អត្ថបទ៖ទ្រី រ៉ាវី